fbpx

عکس اور میں

beautiful girl

beautiful girl

دہکے عارض۔۔ آئینے میں تیز شعلوں کی ضیاء
احمریں لب ۔۔۔۔۔۔۔ زخمِ تازہ موجِ خوں سے آشنا
تیکھے ابرو ۔۔۔ لوحِ سیمیںپر دھویںکاخط کھنچا
بکھرے گیسو۔۔۔۔۔ کالی راتوں کا ملائم ڈھیر سا
بہتی افشاں۔۔۔۔۔۔ جگمگاتی مشعلوں کا قافلہ
گہری آنکھیں۔۔۔۔ دُورتک منظر سہانے خواب کا

آبِ جو میں ایک طلسمی عکس اُبھرا تھا ابھی

نقرئی پانی کے جو آنچل میں جھلمل کر رہی تھی، کون تھی
حور تھی تخلیل کے رمزوں کی یا وہ جل پری تھی، کون تھی
اس پہیلی کی گرہ کھلنے سے پہلے ہی نگاہوں پر مری
ریشمیں قدموں کی آہٹ سے خلا کی سبز چلمن آ گری

آبِ جو میں نرم لہروں کا خرامِ بے جرس
یا کفِ ساحل پہ میرے نقش پا تھے اور بس!

شکیب جلالی