fbpx

پہلے تو اپنے دل کے راز جان جائیے

Qateel Shifai

Qateel Shifai

پہلے تو اپنے دل کے راز جان جائیے
پھر جو نگاہِ یار کہے مان جائیے

پہلے مزاج راہ گزر جان جائیے
پھر گردِ راہ جو بھی کہے مان جائیے

کچھ کہہ رہی ہیں آپ کے سینے کی دھڑکنیں
میری سنیں تو دل کا کہا مان جائیے

اک دھوپ سی جمی ہے نگاہوں کے آس پاس
یہ آپ ہیں تو آپ پہ قربان جائیے

شاید حضور سے کوئی نسبت ہمیں بھی ہو
آنکھوں میں جھانک کر ہمیں پہچان جائیے

قتیل شفائی