اس قدر بھی تو نہ جذبات پہ قابو رکھو
Posted on February 28, 2012 By Adeel Webmaster افتخار نسیم
Dasht-e-Kavir
اس قدر بھی تو نہ جذبات پہ قابو رکھو
تھک گئے ہو تو مرے کاندھے پہ بازو رکھو
بھولنے پائے نہ اُس دشت کو وحشت دل سے
شہر کے بیچ رہو باغ میں آہو رکھو
خشک ہو جائے گی روتے ہوئے صحرا کی طرح
کچھ بچا کر بھی تو اس آنکھ میں آنسو رکھو
روشنی ہو گی تو آ جائیگا رہرو دل کا
اسکی یادوں کے دیے طاق میں ہر سُو رکھو
یاد آئیگی تمہاری ہی سفر میں اسکو
اسکے رومال میں اِک اچھی سی خوشبو رکھو
اب وہ محبوب نہیں اپنا، مگر دوست تو ہے
اُس سے یہ ایک تعلق ہی بہر سُو رکھو
افتخار نسیم
ہلے مکاں نہ سفر میں کوئی مکیں دیکھا
طاق پر جزدان میں لپٹی دُعائیں رہ گئیں
