جس حسنِ عنایت سے چھنا گوشئہ رضوان

Wheat

Wheat

جس حسنِ عنایت سے چھنا گوشئہ رضوان
صد آفریں اے خوشئہ گندم تیرے قربان

اضدادِ مجسم ہے گھڑا پتلئہ خاکی
بن جائے تو انسان بگڑ جائے تو شیطان

جب روزِ اول بخش دی مختاری ء اعمال
اب میرا کیا ہے کہ تو قہار یا رحمان

اس خون کے قطرے میں کوئی جوشِ بلا ہے
تھم جائے تو طوفان جو بہہ نکلے تو طوفان

بیچارگی کا کیا کروں جرئات نہیں باقی
اک حرف شکایت کہا پھر تن گئی میزان

آزاد فضائوں کے سویرے تو بہت ہیں
مٹتی ہی نہیں ذہن سے تاریکی ء زندان

بدبختی ء حالات ہے یا شومی ء تقدیر
راس آیا نہ شاہد تجھے یہ گوہرِ ایمان

ڈاکٹر محمد افضل شاہد