خواب آنکھوں کو جگاتے تو کوئی بات بھی تھی

Posted on May 20, 2012 By Adeel Webmaster فاخرہ بتول

moon girl

خواب آنکھوں کو جگاتے تو کوئی بات بھی تھی
دل میں ہلچل سی مچاتے تو کوئی بات بھی تھی

مانا ہم سے تو کوئی بات بنائے نہ بنے
آپ ہی بات بناتے تو کوئی بات بھی تھی

چھوڑ کر جانے کی یہ ریت پرانی ہے بہت
آپ آ کر نہیں جاتے تو کوئی بات بھی تھی

آج ٹوٹا ہے یقیں، بھیگ گئی ہیں پلکیں
ہم جو خوش ہو کے دکھاتے تو کوئی بات بھی تھی

وعدئہ وصل تو دستور پرانا ٹھہرا
لوگ اس کو جو نبھاتے تو کوئی بات بھی تھی

فاخرہ بتول

by Adeel Webmaster

Nasir Mehmood - Chief Editor at GeoURDU.com

کیسے وہ لوٹ آئے کہ فرصت اسے نہیں کسی کو اپنا بنا کے دیکھو