رام
Posted on July 29, 2012 By Adeel Webmaster علامہ محمد اقبال
Shah Allum Mogul Of Hindostan
لبریز ہے شراب حقیقت سے جام ہند
سب فلسفی ہیں خطہ ٔمغرب کے رام ہند
یہ ہندیوں کے فکر فلک رس کا ہے اثر
رفعت میں آسماں سے بھی اونچا ہے بام ہند
اس دیس میں ہوئے ہیں ہزاروں ملک سرشت
مشہور جن کے دم سے ہے دنیا میں نام ہند
ہے رام کے وجود پہ ہندوستاں کو ناز
اہل نظر سمجھتے ہیں اس کو امام ہند
اعجاز اس چراغ ہدایت کا ہے یہی
روشن تر از سحر ہے زمانے میں شام ہند
تلوار کا دھنی تھا ، شجاعت میں فرد تھا
پاکیزگی میں ، جوش محبت میں فرد تھا
علامہ محمد اقبال
نصیحت
سیر فلک
