ظلمتوں میں ازسرِ نو کیوں بلاتے ہو مجھے

blue moon

blue moon

ظلمتوں میں ازسرِ نو کیوں بلاتے ہو مجھے
مہربانوں کس لیے اتنا ستاتے ہو مجھے

راستے میں نے دکھائے ہیں اجالوں کے تمہیں
نقش ہوں میں روشنی کا کیوں مٹاتے ہو مجھے

قافلوں کو منزلوں کی سمت کرتا ہوں رواں
بے جہت چلنے کی باتیں کیوں سناتے ہو مجھے

میں کھڑا ہوں ایک مقصد سے تمہارے درمیاں
عزم کی دیوار ہوں میں، کیوں گراتے ہو مجھے

تھا پیمبر روشنی کا ظلمتوں کے دور میں
اب چراغِ انجمن ہوں کیوں بجھاتے ہو مجھے

تھک کے تخلیقِ چمن میں نیند تو آنی ہی تھی
اب چمن سے جا چُکا ہوں کیوں بلاتے ہو مجھے

میں قمر ہوں، روشنی میں لائوں گا ہر شخص کو
میرے لوگو! اس عمل سے کیوں ہٹاتے ہو مجھے

سید ارشاد قمر