لاپتا افراد کے معاملہ پر اقوام متحدہ حل مسلط نہیں کرسکتا: نوید قمر

Federal Minister Naveed Qamar

Federal Minister Naveed Qamar

وزیر دفاع نوید قمر نے کہا ہے کہ بلوچستان کے لاپتہ افراد کا معاملہ سلجھانا چاہتے ہیں ۔اقوام متحدہ یاکوئی اورباہرسے حل مسلط نہیں کرسکتا ۔

اسلام آباد میں میڈیا سے گفتگو کرتے ہوئے نوید قمر نے کہا کہ دنیا کے کئی ممالک میں امن و امان کا مسئلہ ہے مگر یہ اقوام متحدہ کا چارٹر نہیں کہ وہ مداخلت کرے۔ انھوں نے کہا کہ بلوچستان کے مسئلے کے حوالے سے کابینہ کمیٹی کی رپورٹ تیار ہے۔ جس پر بحث کے لئے وفاقی کابینہ کا خصوصی اجلاس بلایا جائے گا۔ انھوں نے کہا کہ امریکہ پاکستان کے بغیر افغانستان کے مسئلے کا کوئی حل تلاش نہیں کرسکتا۔ نوید قمر نے بتایا کہ کامرہ حملے کی تحقیقات وقت پر مکمل ہوجائینگی۔