لین دین کے تنازعہ پر خاتون سمیت دو افراد قتل، دو شدید زخمی
Posted on September 8, 2011 By Geo Urdu گجرات
گجرات (جی پی آئی) لین دین کے تنازعہ پر خاتون سمیت دو افراد قتل دو شدید زخمی ایک کی حالت تشویشناک ،تفصیلات کے مطابق تھانہ سول لائن کی پولیس چوکی گرین ٹائون کے علاقہ شاہ جہانگیر روڈ محلہ اچادارا کے رہائشی شہزاد احمد عرف شادا قصائی کی اپنے ہی محلے دار شہزاد احمد ولد غلام حسین سے کاروباری شراکت کی وجہ سے لین دین کا تنازعہ تھا کہ گزشتہ روز مقتول نے پیسوں کا مطالبہ کیا تو دونوں کے درمیان جھگڑا ہو گیا۔
شہزاد عرف شادا نے چھریوں کے پے در پے وار کر کے 24سالہ شہزاد کو قتل کر دیا جبکہ ملزم کی 20سالہ بہن شبانہ چھڑوانے کے لیے آگے بڑی تو وہ بھی چھریوں کی زد میں آ کر جان گنواں بیٹھی جبکہ ملزم کی دوسری بہن اور ملز م شہزاد عرف شادا شدید زخمی ہو گئے ہیں جبکہ ملزم کی حالت تشویشناک بتائی جاتی ہے زخمیوں کو عزیز بھٹی ہسپتال میں طبی امداد دی جا رہی ہے اور مقتولیں کی نعشیں بھی پوسٹ مارٹم کے لیے ہسپتال پہنچا دی گئی ہیں پولیس مصروف تفتیش ہے۔
دارالعلوم دیوبندی کے وائس چانسلر وزیر اعلیٰ گجرات پر برس پڑے
