مرے خلاف ہوا ہے تو اس کا ڈر بھی نہیں

Posted on May 23, 2012 By Adeel Webmaster نوشی گیلانی

sad girl on bridge

مرے خلاف ہوا ہے تو اس کا ڈر بھی نہیں
یہ جانتے ہیں کہ وہ اتنا معتبر بھی نہیں

تجھے بھی دیکھ لیا شامِ وعدئہ آخر
اب اعتبار ہمیں تیرے نام پر بھی نہیں

یہاں تو سانس بھی لینا محال لگتا ہے
ہم اس فصیل کے قیدی ہیں جس میں دَر بھی نہیں

بہت شدید ہے خواہش اڑان کی لیکن
قفس نصیب پرندوں کے بال و پر بھی نہیں

محبتوں میں وفا کی سزا تو ملنی تھی
دلِ تباہ ترے کام معتبر بھی نہیں

نوشی گیلانی

by Adeel Webmaster

Nasir Mehmood - Chief Editor at GeoURDU.com

مہتاب رتیں آئیں تو کیا کیا نہیں کرتیں محبتیں جب شمار کرنا تو سازشیں بھی شمار کرنا