ملکہ کی خبریں 14/1/2019

UMER FAROOQ AWAN

UMER FAROOQ AWAN

گلیانہ (پ ر) گلیانہ پریس کلب کا اجلاس ،مرزا نعیم اقبال کو صدر اور عمر فاروق اعوان کوجنرل سیکرٹری نامزد کر دیا گیا ۔تفصیل کے مطابق گلیانہ پریس کلب کا اہم اجلاس زیر صدارت فیصل عباس صدر گلیانہ پریس کلب منعقد ہو ا ۔اجلاس میں گلیانہ پریس کلب کی گزشتہ سال کی ایکٹیویٹی اور صحافتی ذمہ داریوں کے حوالے کارکردگی پیش کی گئی ۔تمام ممبران نے گلیانہ پریس کلب کی کارکردگی پر اطمینان کا اظہار کیا اور تعریف کی ۔اور آئندہ بھی تمام سیاسی جماعتوں کی نمایاں کوریج جاری رکھنے کا فیصلہ کیا گیا ۔جنرل سیکرٹری ڈاکٹر انصر فاروق نے کہا کہ گلیانہ پریس کلب کی کارکردگی کو تمام سیاسی ،سماجی اور مذہبی تنظیمات قدر کی نگاہ سے دیکھتی ہیں ۔کیونکہ گلیانہ پریس کلب گلیانہ اور گردونواح کا واحد پریس کلب ہے جہاں ایکٹیواور پڑھے لکھے صحافی بہتر سے بہتر صحافیانہ ذمہ داریاں پوری کرنے کی ہر ممکن کوشش میں مصروف ہیں ۔اجلاس میں متفقہ طور پر سال 2019 ء کے لئے مرزا نعیم اقبا ل کو صدر اور عمر فاروق اعوان کو جنرل سیکرٹری نامزد کر دیا گیا۔گلیانہ پریس کلب کے تمام ممبران نے مرزا محمد نعیم کو صدر اور عمر فاروق اعوان و جنرل سیکرٹری بننے پر مبارک با دپیش کی ۔اجلاس میں ملک فیصل عباس اعوان ،راجہ آفتاب احمد ،ڈاکٹر انصر فاروق مغل ،محمدصہیب مغل ،ڈاکٹر عبد الرشید ، محمد ذوالفقار بٹ ،حاجی محمد یوسف ،عمر فاروق اعوان ،محسن ضیاء اعوان ، آ صف حسین قا در ی بھی موجود تھے ،

ملکہ (عمر فاروق اعوان )سپین میںکے جزیرہ ماگا لوف میں مقیم چوہدری احسان گجر کی والدہ کی روح کے ایصال ثواب کے لئے اجتماعی دعا ج ہو گی ۔قرآن خوانی اوراجتماعی دعافتح پور کے ڈیرہ بانیاں میں ہوگی ۔ماگا لوف میں مقیم پاکستانی کیمونٹی نے چوہدری احسان گجر سے ان کی والدہ کی وفات پر تعزیت کا اظہاراور فاتحہ خوانی کی ۔فاتحہ خوانی کرنے والوں میں پی ٹی وی نیوز فرانس کے بیورو چیف زاہد مصطفی اعوان ،چوہدری افتخار ،چوہدری عدنان سپین ۔آفتاب چیمہ ماگالوف ،چوہدری انتصار علی ماگالوف،چوہدری افتیاز،لالہ ارشاد ،لالہ زمان ،منیر شاہ ماگا لوف،سیام جرال،ثاقب ماگا لوف،چوہدری شہباز گجر ماگا لوف،کے علاوہ کثیر تعداد میں پاکستانی کیمونٹی شامل ہے ۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ملکہ (عمر فاروق اعوان)حکومت عوام کے منہ سے نوالہ چھیننے کا ایجنڈا لے کر آئے ہے 23جنوری کو منی بجٹ میں لگائے جانے والے نئے ٹیکسز سے عام آدمی بری طرح متاثر ہو گا نا اہل ٹیم معاشی طور پر ملک کو دیوالیہ کرنے کے در پے ہے نئے ٹیکس لگا کر اور ہر چیز مہنگی کرنے کے باوجود بھی حکمران جماعت کے وزراء کہتے ہیں کہ غریب پر کوئی بھی اثر نہیں پڑے گا ان خیالا ت کا اظہار سالار قافلہ چوہدری عابد رضا ممبر قومی اسمبلی نے ڈیرہ چوہدری عبدالمالک پر آئے ہوئے وفود سے بات چیت کرتے ہوئے کیا انھوں نے مزید کہا کہ گیس ، بجلی اور بنیادی ضروریات کی قیمتیں پہلے ہی آسمانوں سے باتیں کر رہی ہیں ہسپتالوں کے گیس بلز اور ادویات کی قیمتوں میں 15فیصد اضافہ صحت دشمنی ہے حکمران نادار مریضوں سے زندہ رہنے کا حق چھیننے کے در پہ ہیں انھوں نے کہا سرمایہ دارانہ حکومت کا ہر دن غریبوں پر سونامی سے بد تر ثابت ہو رہا ہے حکمرانوں کا ہر دن غریبوں کی زندگی کو اجیرن بنا رہا ہے اور متکبر حکمران عوام کے غیض و غضب کو دعوت دے رہے ہیں انھوں نے کہا کہ الیکشن میں بلند و بانگ دعوے کرنے والی جماعت درجنوں وزراء کے اخراجات پورے کرنے کیلئے عوام کو قربانی کا بکرا بنا رہی ہے حکمران ٹولے کو اپنے مفادات عزیز ہیں عوام کا کوئی بھی پرسان حال نہیں حکمران جماعت کو عام آدمی کا معیار زندگی بہتر بنانے کیلئے سنجیدگی سے اقدامات کرنے ہوں گے۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ملکہ (عمر فاروق اعوان)کھاریاں بار کے الیکشن ،راجہ نوید اسد گروپ کی شاندار کامیابی پر ڈیرہ راجہ برادران ملاگر پر سینکڑوں افراد کی آمد ،دن بھر عوام مبارک باد دینے لئے پہنچے ،راجہ نوید اسد ملاگر کھاریاں بار کے الیکشن میںبھاری اکثریت سے کامیاب ہوئے ،تفصیل کے مطابق راجہ نو ید اسد آف ملاگر کھاریاں بار کے 2019/2020کے لئے بھاری اکثریت سے ووٹ حاصل کر کے صدر منتخب ہو گئے ہیں ۔جیت کا اعلان ہونے کے ساتھ ہی وکلاء میں خوشی کی لہر دوڑ گئی ۔اور راجہ نوید اسد کو مبارکباد کا سلسلہ شروع ہو گیا ہے ۔نومنتخب کھاریاں بار کے عہدیداران کی تفصیل کچھ اس طرح ہے ۔راجہ نوید اسد صدر. چوہدری محفوظ سر فراز گل نائب صدر. چوہدری عمران خان جنرل سیکر ٹری. یاسر اقبال آف ملکہ جوائنٹ سیکر ٹری. سید کاظم علی نقوی فنانس سیکرٹری، عبد الغفار میر سیکرٹری لا ئبریری..مرزا عثمان فضل سیکرٹری برائے آڈیٹر.منتخب ہو گئے ہیں ۔ماسٹر خالد محمود اعوان یونان ۔زاہد مصطفی اعوان ،راجہ عابد حسین ملاگر ۔سید خالد حسین شاہ جھانٹلہ ۔طارق مصطفی اعوان ،عمر فاروق اعوان ،محسن ضیاء اعوان ،ثنا ء اللہ اعوان اوردوسرے افراد نے نومنتخب صدر کھاریاں بار راجہ نوید اسد اور ان کے تمام پینل کو جیت پر مبارکباد دی ہے ۔ادھر راجہ نوید اسد کو کھاریاں بار کا صدر منتخب ہونے پر ڈیرہ راجہ برادران پر دن بھر دوست احبا ب اور وکلا کی آمد جاری رہی ۔وکلا اور دوست احباب نے راجہ نوید اسد کو صدر کھاریاں بار منتخب ہونے پر مبارکبا د دی ۔ڈیرہ راجہ برادران پر دن بھر جشن کا سماں جاری رہا ۔
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭