نعرہ زندہ باد کا سر ھو گیا

member comittee

member comittee

نعرہ زندہ باد کا سر ھو گیا
کام اپنا بندہ پرور ھو گیا

جو کمیٹی کا بھی ممبر ھو گیا
وہ بھی تقریبا منسٹر ھو گیا

اک ذرا افسر نے مونچھیں چھوڑ دیں
محکمہ سارا مچھندر ھو گیا

اس کی اردو میں تھی انگریزی بہت
لوگ یہ سمجھے کمشنر ھو گیا

مفلسی میں جس کی داڑھی بڑھ گئی
زینت محراب و ممبر ھو گیا

آپ کچھ شرما کے لیڈر بن گئے
میں ذرا گھبرا کے نوکر ھو گیا

جان محفل تھا خدا بخشے ضمیر
اب تو اک عرصے سے شوہر ھو گیا

سید ضمیر جعفری