گونگے دیار سے نکل اہل سخن میں آ گئے
Posted on March 6, 2012 By Adeel Webmaster ڈاکٹر سعادت سعید
aeroplane returning
گونگے دیار سے نکل اہل سخن میں آ گئے
پاٹ کے بحرِ بے رخی اپنے وطن میں آ گئے
شبنمی دلبروں کے سنگ کاٹ کے سختیوں کے دشت
رونقِ شوق دیکھنے کوہ ودمن میں آ گئے
لذتِ نان خشک بھی دیتی ہے بے طرح مزہ
پھر سے پرانے ذائقے بگڑے دہن میں آ گئے
پانے کو مشکِ جاوداں بھرنے بدن میں بجلیاں
بچھڑے ہوئے ہرن کئی دشتِ ختن میں آ گئے
مدتوں بعد کوہکن مانگنے اپنا کھویا دھن
کاٹنے بیستوں نئے اپنی لگن میں آ گئے
ڈاکٹر سعادت سعید
شہرِ لاہور کی شہزادی تھی
ایک خواب میںافلاک سی دیکھی اترتی حوریں
