کراچی (اسپورٹس رپورٹر) انٹر نیشنل عبدالناصر باسکٹ بال کورٹ آرام باغ کراچی پر کراچی باسکٹ بال ایسوسی ایشن کے زیر اہتمام جاری انٹر ڈسٹرکٹس راشد منہاس شہید باسکٹ بال ٹورنامنٹ “میں تیسرے روز مزید 2میچوں کے فیصلے ہوگئے ۔کھیلے گئے پہلے میچ میں کراچی باسکٹ بال کلب ڈسٹرکٹ سائوتھ نے مد مقابل نیشنل باسکٹ بال کلب ڈسٹرکٹ ویسٹ کو 45کے مقابلے میں 69باسکٹ پوائنٹس سے شکست دیدی ،فاتح کلب کی جانب سے فضیل احمد 19،محمد دانیال 15اور زین العابدین نے 10جبکہ رنر اپ کلن کی جانب سے عبدالحفیظ 12،عبدالصمد 10اور محدم معاذ نے9پوائنٹس حاصل کرکے نمایاں کھلاڑی رہے۔
کھیلے گئے دوسرے میچ میں اومیگا کلب نے مد مقابل ون یونٹ کلب کو 42کے مقابلے میں 47باسکٹ پوائنٹس سے مات دیدی فاتح کلب کی جانب سے اسٹار کھلاڑی عباس عابد قائم خانی 16،تیمور ظہیر 15اور ابرار حسین نے 13جبکہ رنر اپ کلب کی جانب سے تاشفین زیدی 18،طلال احمد 13اور فہد خان 10پوائنٹس کے ساتھ نمایاں رہے ۔کھیلے گئے میچوں میں ریفریز کے فرائض ظفر اقبال ،زاہد ملک اور ممتاز احمد نے انجام دیئے جبکہ ٹیکنیکل آفیشلز زعیمہ خاتون ،ڈاکٹر محمد نعیم ،عامر شریف اور یش کمار تھے ،میچ کے آغاز پر مہمان خصوصی ایڈیشنل ڈپٹی کمشنر سینٹرل امتیاز علی ابڑو سے کھلاڑیوں کا تعارف کرایا گیا اس موقع پر KBBAکے صدر غلام محمد خان ،سیکریٹری طارق حسین اور میڈیا کوارڈینٹر محمد ارشد بھی موجود تھے۔
پی ٹی وی کو ’ ارطغرل غازی‘ جیسے ڈرامے بنانے کی ضرورت ہے، شان شاہد
آزادئ اظہار کے نام پر اسلام دشمنی اور توہین آمیز گستاخانہ خاکوں کی اشاعت دنیا کی سب سے بڑی دہشتگردی ہے۔ آصف رضا قادری
