ملک میں مزید 2 ہزار 253 افراد میں کورونا کی تشخیص، 92 افراد جاں بحق

Corona Test

Corona Test

اسلام آباد (اصل میڈیا ڈیسک) ملک میں گزشتہ روز کورونا کے مزید 2 ہزار 253 نئے مریض سامنے آّئے ہیں جب کہ 92 افراد اس وبا کے ہاتھوں دم توڑ گئے ہیں۔

نیشنل کمانڈ اینڈ آپریشن سینٹر کی جانب سے جاری اعداد و شمار کے مطابق گزشتہ روز ملک بھر میں مجموعی طور پر 46 ہزار 726 کورونا ٹیسٹ کئے گئے جب کہ 2 ہزار 253 افراد میں اس وائرس کی تشخیص ہوئی، اس طرح ملک میں کورونا مثبت کیسز کی مجھموعی شرح 4.82 فی صد رہی۔

ملک میں کورونا کے مصدقہ مریضوں کی تعداد 9 لاکھ 5 ہزار 852 افراد میں کورونا تشخیص ہو چکی ہے جن میں سے 8 لاکھ 23 ہزار 157 مریضوں نے اس وبا کو شکست دے دی ہے۔

این سی او سی کے مطابق گزشتہ روز ملک میں کورونا کے مزید 92 مریض زندگی کی بازی ہار گئے، جن میں سے 45 مریض مختلف اسپتالوں کے وینٹی لیٹرز پر تھے، گزشتہ روز پنجاب میں کورونا کے 51 ، خیبر پختونخوا میں 20 ، سندھ میں 16 اور اسلام آباد میں ایک مریض جاں بحق ہوا۔

ملک میں اس وقت کورونا کے مصدقہ فعال مریضوں کی تعداد 62 ہزار 295 ہے، جن میں 4 ہزار 723 مریض اسپتالوں میں داخل ہیںم اسپتالوں میں داخل کوررونا کے 522 مریض وینٹی لیٹرز پر ہیں۔

کورونا وائرس کے خلاف یہ احتیاطی تدابیراختیارکرنے سے اس وبا کے خلاف جنگ جیتنا آسان ہوسکتا ہے۔ صبح کا کچھ وقت دھوپ میں گزارنا چاہیے، کمروں کو بند کرکے نہ بیٹھیں بلکہ دروازے کھڑکیاں کھول دیں اور ہلکی دھوپ کو کمروں میں آنے دیں۔ بند کمروں میں اے سی چلاکربیٹھنے کے بجائے پنکھے کی ہوا میں بیٹھیں۔

سورج کی شعاعوں میں موجود یو وی شعاعیں وائرس کی بیرونی ساخت پر ابھرے ہوئے ہوئے پروٹین کو متاثر کرتی ہیں اور وائرس کو کمزور کردیتی ہیں۔ درجہ حرارت یا گرمی کے زیادہ ہونے سے وائرس پرکوئی اثرنہیں ہوتا لیکن یو وی شعاعوں کے زیادہ پڑنے سے وائرس کمزور ہوجاتا ہے۔

پانی گرم کرکے تھرماس میں رکھ لیں اورہرایک گھنٹے بعد آدھا کپ نیم گرم پانی نوش کریں۔ وائرس سب سے پہلے گلے میں انفیکشن کرتا ہے اوروہاں سے پھیپھڑوں تک پہنچ جاتا ہے، گرم پانی کے استعمال سے وائرس گلے سے معدے میں چلا جاتا ہے، جہاں وائرس ناکارہ ہوجاتا ہے۔