ملک میں آج اب تک کورونا سے مزید 4 ہلاکتیں، 234 نئے کیسز رپورٹ

Corona Test

Corona Test

اسلام آباد (اصل میڈیا ڈیسک) ملک میں کورونا سے مزید 19 افراد جاں بحق ہوگئے جس کے بعد ہلاکتوں کی تعداد 6064 ہو گئی ہے جب کہ مزید نئے کیسز سامنے آنے کے بعد مریضوں کی تعداد 283253 تک جا پہنچی ہے۔

اب تک پنجاب میں 2164 ، سندھ میں 2259 اور خیبر پختونخوا میں 1222 افراد جاں بحق ہو چکے ہیں جب کہ اسلام آباد میں 170، بلوچستان میں 137 ، گلگت بلتستان میں 55 اور آزاد کشمیر میں 57 افراد کا انتقال ہوا ہے۔

آج کے کیسز کی صورت حال
آج بروز ہفتہ ملک بھر سے اب تک کورونا کے مزید 234 کیسز اور 4 ہلاکتیں رپورٹ ہوئی ہیں جن میں پنجاب سے 183 کیسز 2 ہلاکتیں، اسلام آباد 32 کیسز ایک ہلاکت، گلگت 14 کیسز اور آزاد کشمیر سے 5 کیسز ایک ہلاکت سامنے آئی ہے۔

پنجاب
پنجاب سے آج کورونا کے 183کیسز اور 2 ہلاکتیں رپورٹ ہوئی ہیں جن کی تصدیق پی ڈی ایم اے کی جانب سے کی گئی ہے۔

صوبائی ڈیزاسٹر مینجمنٹ اتھارٹی کے مطابق پنجاب میں کورونا کے مریضوں کی کُل تعداد 94223 اور ہلاکتیں 2166 ہو گئی ہیں۔

صوبے میں اب تک کورونا کے 86240 مریض صحتیاب بھی ہوچکے ہیں۔

اسلام آباد
وفاقی دارالحکومت سے آج کورونا کے مزید 32 کیسز اور ایک ہلاکت سامنے آئی ہے جس کی تصدیق نیشنل کمانڈ اینڈ آپریشن سینٹر کی جانب سے کی گئی ہے۔

سرکاری پورٹل کے مطابق وفاقی دارالحکومت میں کیسز کی مجموعی تعداد 15214 ہوگئی ہے جب کہ اب تک کورونا سے 171 افراد جاں بحق ہوچکے ہیں۔

وفاقی دارالحکومت میں کورونا سے متاثرہ 12878 افراد صحتیاب بھی ہو چکےہیں۔

آزاد کشمیر
آزاد کشمیر سے آج کورونا کے مزید 5 کیسز اور ایک ہلاکت رپورٹ ہوئی ہے۔

این سی او سی کے مطابق آزاد کشمیر میں اب تک مجموعی طور پر 2192 افراد میں کورونا وائرس کی تصدیق ہوچکی ہے جب کہ وہاں اموات کی تعداد 58 ہے۔

آزاد کشمیر میں اب تک 1883مریض کورونا سے صحتیاب ہوچکے ہیں۔

گلگت بلتستان
گلگت بلتستان سے آج کورونا کے مزید 14 کیسز سامنے آئے ہیں۔

این سی او سی کے مطابق گلگت میں کورونا کے مریضوں کی کل تعداد 2301 اور اموات کی تعداد 55 ہو گئی ہے جب کہ 1887 افراد صحتیاب بھی ہو چکے ہیں۔

سندھ
جمعے کو سندھ سے کورونا کے مزید 487 کیسز اور 9 ہلاکتیں رپورٹ ہوئی ہیں۔

وزیراعلیٰ سندھ مراد علی شاہ کے مطابق صوبے میں کورونا کے باعث جان کی بازی ہارنے والے افراد کی تعداد 2259 ہے جب کہ متاثرہ مریضوں کی تعداد 123246 ہے۔

صوبے میں اب تک 114965 مریض صحتیاب ہوچکے ہیں۔

بلوچستان
بلوچستان میں جعمے کو کورونا کے 14 کیسز سامنے آئے جس کے بعد بلوچستان میں کورونا سے متاثرہ مریضوں کی تعداد 11835 ہوگئی ہے جب کہ اب تک مہلک وائرس کے باعث 137 افراد جاں بحق ہو چکے ہیں۔

اس کے علاوہ بلوچستان میں اب تک کورونا سے 10304 مریض صحتیاب بھی ہوچکے ہیں۔

خیبرپختونخوا
جمعے کو خیبر پختونخوا میں 107 نئے کیسز اور 3 ہلاکتیں سامنے آئیں جس کے بعد وہاں متاثرہ مریضوں کی تعداد 34539 ہوگئی اور وہاں اب تک کورونا سے ہلاک افراد کی تعداد 1222 ہوگئی ہے۔

ان تین ہلاکتوں میں سے ایک آج سامنے آئی جبکہ بقیہ دو اموات پچھلے دنوں ہوئی تھیں جنہیں آج ریکارڈ کا حصہ بنایا گیا ہے۔

کے پی میں اب تک 30681 افراد کورونا وائرس سے صحتیاب بھی ہو چکے ہیں۔