فرانس کے نام ہماری دعا

Posted on March 23, 2020 By Majid Khan آپکی شاعری, شاعری

France

اے ملک فرانس ہم تیرے مشکور رہینگے

تجھ سے نہ جدائی کبھی منظور کرینگے

زرخیر زمیں تیری یہ میدان یہ کہسار

لوگوں نے تیرے ہمکو دیا ہے بہت ہی پیار

اے فرانس تو ہے آج میری سانس برابر

دھرتی ہے تیری آج کرونا سے متاثر

تو آج پریشان ہے اور مبتلائے کرب

بن دیکھے ہی لڑنی ہے تیرے ساتھ ہمیں حرب

ہم دوسرے ملکوں سے یہاں آ کے بسے ہیں

روتے ہوئے آئے تھے یہاں آ کے ہنسے ہیں

تیرا ہی نمک کھا کے یہاں عمر بتائی

خوشیوں سے تحفظ سے ہر اک چیز ہے پائی

دے کے یہ جوانی تجھے خوشحال کیا ہے

ہے فخر تو جس کو نہیں پامال کیا ہے

وعدہ ہے یہ تجھ سے نہیں چھوڑیں گے کبھی ہم

مشکل ہو کوئی منہ نہیں موڑیں گے کبھی ہم

من میرا تیرے واسطے دھن تجھ پہ ہے قربان

جو ہو گی ضرورت تو یہ تن تجھ پہ ہے قربان

اے فرانس تجھے رب میرا آباد ہی رکھے

آئے نہ کوئی غم وہ تجھے شاد ہی رکھے

ممتاز تیرے واسطے مانگیں یہ دعائیں

غم کی نہ کبھی آئیں تیرے اور ہوائیں

کلام : ممتاز ملک.پیرس

by Majid Khan

Nasir Mehmood - Chief Editor at GeoURDU.com

سانحہ وادی نیلم تو سنو کشمیر اور کشمیریوں کی آواز خدانے سن لی میری