fbpx

اب کے اس لمحہ بے درد کے بارے لکھنا

Sad

Sad

اب کے اُس لمحہ ِ بے درد کے بارے لکـــــھنا
کیسے بچھڑے ہیں ترے جان سے پیارے لکھنا

کیسے ٹوٹا تھا گھروندہ وہ محبـــــــــت والا
کیسے ہم جیت کے اس شخص کو ہارے لکھنا

آخری خط ہے تو کیا , اس کے کسی کونے پر
اب بھی آخر میں ہمیں “صرف تمہارے” لکھنا

کس کی قسمت میں رفاقت کی وہ معراج لکھی
کس کو حاصل ہوئے بانہوں کے سہارے لکھنا

چھوڑ کر گردش ِ حالات میں تنہا مجھ کو
کس کی زلفوں کے خم و پیچ سنوارے لکھنا

کس نے لکھی ہے نصیبوں میں جُدای اب کے
کیسے بکھرے ہیں مُقدر کے ستارے لکـــھنا

کتنا مُشکل ہےخود اپنے ہی قلــــــــــم سے لوگو
شعر بُننا کبھی اشکوں کو ستــــــــارے لکھنا

اب بھی موجود ہے لفظوں کا وسیلہ ہم میں
تم پہ جو کچھ بھی گزرتی رہی پیارے لکھنا

مجھ کو ایمان سے آیا نہ منافـــــــــق ہونا
میں نے سیکھا نہیں دریا کو کنــــــــــارے لکھنا
نوٹ: تصویر اٹیچڈ ہے

مراسلہ:
امان اللہ گُل رمدانی (چوٹی زیریں,ڈیرہ غازی خان)
03366709375