fbpx

میرا اور ہانیہ کا تعلق سمجھنا ناممکن ہے، عاصم اظہر

Asim Azhar

Asim Azhar

اسلام آباد (اصل میڈیا ڈیسک) ادکارہ ہانیہ عامر کے بعد گلوکار عاصم اظہر نے بھی اپنے تعلق پر خاموشی توڑتے ہوئے کہا کہ ہمارا تعلق ایک لیبل سے بڑھ کر ہے۔

گلوکار عاصم اظہر اور اداکارہ ہانیہ عامر کو شوبز انڈسٹری کی دیگر جوڑیوں کی طرح بہت پذیرائی ملی تھی یہاں تک کہ دونوں کی شادی کی خبریں بھی گردش کررہی تھیں اور وہ دونوں فیشن شو سمیت ہر ایونٹ پر ایک ساتھ ہی دکھائی دیتے تھے تاہم اب دونوں نے راہیں جدا کرلی ہیں جس کا اعتراف خود ادکارہ نے کیا۔

اداکارہ ہانیہ عامر نے گلوکارہ آئمہ بیگ کے ساتھ گفتگو کرتے ہوئے گلوکار عاصم اظہر سے تعلق کی تردید کرتے ہوئے کہا تھا کہ ہم لوگ ایک ساتھ نہیں البتہ ہمارے درمیان صرف اور صرف دوستی کا تعلق ہے۔

اداکارہ کے اس اعترافی بیان کے بعد گلوکار عاصم اظہر بھی خاموش نہ رہے اور انہوں نے اس حوالے سے سماجی رابطے کی ویب سائٹ انسٹا گرام پر ایک طویل پیغام جاری کیا۔

پاکستان سپر لیگ کے پانچویں ایڈیشن کا آفیشل نغمہ گانے والے گلوکار عاصم اظہر نے کہا کہ طویل پیغام میں اپنی جدوجہد کا ذکر کرتے ہوئے ان تمام لوگوں کا شکریہ ادا کیا جنہوں نے کسی نہ کسی موڑ پر گلوکار کی مدد کی۔

اُنہوں نے کہا کہ ’میں چاہتا ہوں کہ میں اپنے کام کی وجہ سے ٹرینڈنگ پر رہوں لیکن آپ لوگ منفی انداز میں میمز کا حصہ بناتے ہیں، الحمداللّہ میں جہاں بھی ہوں بہت خوش اور مطمئن ہوں، میں خود کو ایک اچھا بیٹا، ایک اچھا دوست اور ایک اچھا انسان بنانے کی کوشش کررہا ہوں تاکہ زندگی کے تمام چیلنجز کا سامنا کرسکوں۔‘

ہانیہ سے اپنے تعلق پر بات کرتے ہوئے عاصم کا کہنا تھا کہ ہانیہ خوبصورت شخصیت کی مالک ہے جس نے مجھے پیار کرنا اور پیار بانٹنا سکھایا ، اِسی لیے ہمارا تعلق ہمیشہ مضبوط رہے گا اور ہمارا تعلق ایک لیبل سے بڑھ کر ہے۔ انہوں نے کہا کہا ہانیہ نے بھی اپنے یہی بات کی تھی کہ ہمارا تعلق اتنا مضبوط ہے جس کا تصور بھی نہیں کیا جاسکتا۔ گلوکار نے دونوں کے تعلق پر بات کرنے والوں پر تنقید کرتے ہوئے کہا کہ آپ سب آرام سے بیٹھو اور ہر جگہ محلّے کی پھپھو نہیں بنتے ہیں۔