یہ دل کا معاملہ ہے کوئی دل لگی نہیں

Heart

یہ داستاں ہے میری کوئی دل کشی نہیں

میری ہے آپ بیتی مگر آخری نہیں

دنیا کو شوق تھا کے کہانی سنے مری

ہم نے جو کی شروع کسی نے سنی نہیں

تو بھی اپنے روز بدلے رویے کو دیکھ لے

یہ دل کا معاملہ ہے کوئی دل لگی نہیں

جب سے ملا ہے روگ محبت کا یہ ہمیں

اس دن کے بعد سے کبھی آئی ہنسی نہیں

کچھ ایسی دھول جھونک کے وہ آنکھ میں گئی

ایسی لگا کے آگ گئی پھر بجھی نہیں

کرتا رہا دعائیں مگر بے اثر رہیں

جو بد دعا بھی دی تو کسی کو لگی نہیں

ارشیؔ یہ جانتا ہے ستم کون ڈھائے گا

اتنا یقیں کسی پہ کریں گے کبھی نہیں

Nasir Mehmood - Chief Editor at GeoURDU.com