اسلام آباد (اصل میڈیا ڈیسک) وزیر داخلہ شیخ رشید نے قومی اسمبلی میں پالیسی بیان دیتے ہوئے کہا کہ ختم نبوت کے معاملے پر ہم کالعدم تحریک لبیک سے پیچھے نہیں ہیں۔
اسپیکر قومی اسمبلی اسد قیصر کی زیر صدارت ہونے والے قومی اسمبلی اجلاس میں اظہار خیال کرتے ہوئے شیخ رشید کا کہنا تھا کہ میری طبیعت ٹھیک نہیں ہے، صبح 3 بجے میٹنگ ختم ہوئی، کچھ دیر بعد دوبارہ میٹنگ شروع ہو گی۔
وفاقی وزیر کا کہنا تھا کہ ختم نبوت صلی اللہ علیہ وآلہ وسلم کے معاملے پر ہم تحریک لبیک سے پیچھے نہیں ہیں، وزیراعظم عمران خان بھی شام کو خطاب کریں گے۔
قبل ازیں اسلام آباد میں ایک تقریب سے خطاب کرتے ہوئے شیخ رشید کا کہنا تھا کہ بعض لوگ اسلام کو بطور ہتھیار استعمال کرنا چاہتے ہیں، لیکن ان شاء اللہ وزیراعظم عمران خان اسلام اور ملک دشمنوں کو شکست دیں گے۔
راولپنڈی میں لال حویلی کے باہر تاجروں کا احتجاج
ایران: رضا فلاح زادہ سپاہِ پاسداران انقلاب کی القدس فورس کے نئے ڈپٹی کمانڈر مقرر
