مقبوضہ کشمیر میں بھارتی فوج کی فائرنگ سے مزید 2 کشمیری نوجوان شہید

Indian Army

Indian Army

سرینگر (اصل میڈیا ڈیسک) مقبوضہ وادی میں قابض افواج کی فائرنگ سے مزید 2 کشمیری نوجوان شہید ہوگئے۔

کشمیر میڈیا سروس کے مطابق بھارتی فوج نے ریاستی دہشت گردی کے دوران مزید 2 کشمیری نوجوانوں کو شہید کردیا، قابض فوج نے سرینگر میں نام نہاد سرچ آپریشن کے دوران دونوں نوجوانوں کو پہلے سے تباہ شدہ مکان میں لے جاکر شہید کیا۔

قابض افواج کی جانب سے نوجوانوں کے قتل کے بعد انتظامیہ نے متعدد اضلاع میں انٹرنیٹ سروس کو معطل کردیا ہے جب کہ علاقے میں آپریشن اب بھی جاری ہے۔

واضح رہے کہ گزشتہ روز بھی قابض افواج نے ضلع پلواما میں فائرنگ کرکے 3 نوجوانوں کو شہید کردیا تھا جب کہ گھروں کو بھی دھماکے سے اڑادیا تھا۔