لاہور (پریس ریلیز) پاکستان کے سب سے بڑے پولو ٹورنامنٹ ’’ زمین نیشنل اوپن پولو چیمپئن شپ برائے قائد اعظم گولڈ کپ ۲۰۲۰ ‘‘ کا آغاز 25 فروری کو لاہور میں ہوگا جس میں 6 ٹیمیں حصہ لیں گی۔اس بات کا اعلان لاہور پولو کلب میں منعقدہ پریس کانفرنس میں لاہور پولو کلب کے صدر عاطف ٹوانا اور زمین ڈاٹ کام کے ڈائریکٹر کارپوریٹ کمیونیکشنز ابراہیم سہیل نے کیا۔ ٹورنامنٹ8 مارچ ۲۰۲۰ ء تک لاہور پولو کلب میں جاری رہے گا۔ اس ٹورنامنٹ کی ہر ٹیم دو بین الاقوامی کھلاڑی بھی شریک ہونگے جو اپنی صلاحیتوں کے جوہر دکھائیں گے۔
نیشنل پولو چیمپئن شپ کا آغاز 1963ء میں ہوا تھا جسے بعد ازاں 1977ء میں حکومت پاکستان کی ہدایات کے مطابق قائد اعظم گولڈ کپ کا نام دیا گیا تھا۔یہ ٹورنامنٹ ۴ دہائیوں سے زائد عرصہ سے جاری ہے جس کی مقبولیت صرف پاکستان ہی نہیں بلکہ خطے میں سب سے زیادہ ہے ۔ اس ٹورنامنٹ میں بین الاقوامی ایمپائرز بھی فیصلہ سازی میں شریک ہونگے۔ اس موقع پر ٹورنامنٹ میں شرکت کرنے والی ٹیموں اور بین الاقوامی کھلاڑیوںکا تعارف بھی کروایا گیا۔
اس موقع پر میڈیا کے نمائندوں سے بات چیت کرتے ہوئے زمین ڈاٹ کام کے ڈائریکٹر برائے کارپوریٹ کمیونیکشن ابراہیم سہیل نے کہا کہ زمین ڈاٹ کام ملک بھر میں کھیلوں کی حوصلہ افزائی کرتی ہے اور پولو کے اس بڑے ٹورنامنٹ کو اسپانسر کرنا ہمارے لئے فخر کی بات ہے۔
اُن کا کہنا تھا کہ زمین نیشنل اوپن میں بین الاقوامی سطح کے کھلاڑی بھی شریک ہیں اور انشااللہ اس ٹورنامنٹ کی کامیابی سے وطن عزیز کا مثبت پہلو دنیا بھر میں جائے گا۔ اس ٹورنامنٹ میں شرکت کرنے والے بین الاقوامی کھلاڑی جب ہماری مہمانان نوازی سے لطف اندوز ہونگے تو وہ اپنے ممالک میں پاکستان کا خوبصورت تصور ہی لے کر جائیں گے۔
Zameen National Championship 2020
ہماری دعا ہے کہ ایسے ٹورنامنٹس کا انعقاد ہوتا رہے اور مزید بین الاقوامی کھلاڑی بھی پاکستان میں آئیں۔ انہوں نے کہا کہ قائد اعظم گولڈ کپ کے حوالے سے یہ اوپن چیمئین شپ بہت اہمیت کی حامل ہے اور ہمیں امید ہے کہ بہترین اورجاندار مقابلے دیکھنے کو ملیں گے۔
عمران مافیا ڈرامے اور ٹویٹ کر کے اپنی چوری نہیں چھپا سکتا: مریم اورنگزیب
وزیر ریلوے کا کوئٹہ سے تفتان کے درمیان ریل سروس معطل کرنے کا اعلان
