fbpx

پاکستان میں کورونا کے 213 نئے کیسز، اسلام آباد میں 2 مریض انتقال کر گئے

Pakistan - Coronavirus Cases

Pakistan – Coronavirus Cases

اسلام آباد (اصل میڈیا ڈیسک) ملک میں کورونا وائرس کے مزید 231 کیسز سامنے آنے کے بعد مریضوں کی کل تعداد 2 لاکھ 2 ہزار 995 ہو گئی جب کہ آج مزید 2 افراد کے انتقال کے بعد اموات کی مجموعی تعداد 4118 تک پہنچ گئی۔

گزشتہ روز پنجاب سے 2215 کیسز 44 ہلاکتیں، سندھ سے 1949 کیسز اور 38 ہلاکتیں، خیبر پختونخوا سے 437 کیسز 24 اموات، اسلام آباد 225 کیسز ایک ہلاکت، بلوچستان سے 145 کیسز ایک ہلاکت، آزاد کشمیر سے 41 کیسز اور 3 ہلاکتیں جبکہ گلگت بلتستان سے 6 کیسز اور ایک ہلاکت سامنے آئی ہے۔

آج اب تک وفاقی دارلحکومت اسلام آباد میں 189 اور آزاد کشمیر میں 24 نئے کیسز کی تصدیق ہوئی ہے ۔

اتوار کو اب تک ملک بھر سے کورونا کے مزید213 کیسز اور 2 ہلاکتیں رپورٹ ہوئی ہیں جن میں اسلام آباد میں 189 کیسز اور دو ہلاکتیں جب کہ آزاد کشمیر میں 24 کیسز کی تصدیق ہوئی ۔

اسلام آباد

وفاقی دارالحکومت سے آج کورونا کے مزید 189 کیسز اور دو ہلاکتیں سامنے آئی ہیں جس کی تصدیق سرکاری پورٹل پر کی گئی ہے۔

پورٹل کے مطابق اسلام آباد میں کیسز کی مجموعی تعداد12395 اور اموات 122 ہو چکی ہیں۔

اسلام آباد میں اب تک کورونا وائرس سے 6532 افراد صحت یاب ہو چکے ہیں۔

آزاد کشمیر

آزاد کشمیر سے آج اتوار کو کورونا کے مزید 24 کیسز سامنے آئے ہیں جو سرکاری پورٹل پر رپورٹ کی گئی ہے۔

پورٹل کے مطابق آزاد کشمیر میں کورونا کے کل کیسز کی تعداد 1027 اور اموات کی تعداد 28 ہے۔

سرکاری پورٹل کے مطابق آزاد کشمیر میں کورونا سے متاثرہ 465 افراد صحت یاب ہو چکے ہیں۔

پنجاب

پنجاب سے گزشتہ روز کورونا کے مزید 2215 کیسز اور 44 ہلاکتیں سامنے آئی جن کی تصدیق پی ڈی ایم اے نے کی۔

پرائمری اینڈ سیکنڈری ہیلتھ ڈپارٹمنٹ کی جانب سے جاری بیان کے مطابق صوبے میں کورونا کے کل کیسز کی تعداد 74202 اور اموت 1673 تک جا پہنچی ہے۔

پنجاب میں اب تک کورونا سے 25162 افراد صحت یاب ہوچکے ہیں۔

سندھ

سندھ سے ہفتے کو کورونا کے مزید 1949 کیسز اور 38 ہلاکتیں رپورٹ ہوئی ہیں جن کی تصدیق وزیراعلیٰ سندھ نے کی۔

مراد علی شاہ نے بذریعہ ٹوئٹر بتایا کہ صوبے میں کورونا کے کیسز کی مجموعی تعداد 78267 اور ہلاکتیں 1243 ہوچکی ہیں۔

اس کے علاوہ آج مزید 1452 مزید مریض صحتیاب ہوئے جس سے صحتیاب ہونے والوں کی تعداد 43444 ہوگئی ہے۔

خیبرپختونخوا

خیبر پختونخوا میں ہفتے کو کورونا وائرس سے مزید 24 افراد جاں بحق ہوگئے جس کے بعد صوبے میں ہلاکتوں کی تعداد 914 ہوگئی۔

صوبائی محکمہ صحت نے بتایا کہ گزشتہ 24 گھنٹوں کے دوران مزید 437 افراد میں مہلک وائرس کی تشخیص ہوئی ہے جس کے بعد صوبے میں متاثرہ مریضوں کی تعداد 25380 تک پہنچ گئی ہے۔

اب تک 12149 افراد کورونا وائرس سے صحت یاب بھی ہو چکے ہیں۔

بلوچستان

بلوچستان میں بھی ہفتے کو کورونا کے باعث مزید ایک شخص جان کی بازی ہار گیا جس کے بعد صوبے میں ہلاکتوں کی تعداد 114 ہوگئی۔

صوبائی محکمہ صحت کے مطابق گزشتہ 24 گھنٹوں میں مزید 145 کیسز رپورٹ ہوئے ہیں جس کے بعد صوبے میں کورونا کے مصدقہ کیسز کی 10261 ہوگئی۔

کورونا وائرس سے صحت یاب ہونے والوں کی تعداد 3810 ہے۔

گلگت بلتستان

ہفتے کو گلگت بلتستان سے کورونا کے 6 کیسز اور ایک ہلاکت سامنے آئی جس کے بعد وہاں مریضوں کی مجموعی تعداد 1423 ہوگئی ہے۔

گلگت میں کورونا سے اموات کی تعداد 24 ہے جبکہ صحتیاب ہونے والوں کی تعداد 1062 ہوگئی ہے۔