لاہور (اصل میڈیا ڈیسک) پاکستان کرکٹ بورڈ نے اگلے سال آئرلینڈ کو پاکستان کا دورہ کرنے کے لیے باضابطہ مدعو کر لیا۔
پی سی بی ترجمان نے کرکٹ آئرلینڈ کو باقاعدہ خط لکھے جانے کی تصدیق کرتے ہوئے کہا کہ اس سلسلے میں دونوں بورڈز کے درمیان باقاعدہ رابطہ ہوچکا ہے، ٹور کی تفصیلات دونوں ٹیموں کی بین الاقوامی کرکٹ میں مصروفیات دیکھ کر طے کی جائیں گی اور آئرلینڈ کرکٹ بورڈ کا جواب آنے کے بعد دورے کی تفصیلات طے کی جائیں گی۔
پی سی بی کے مطابق پاکستان اور آئرلینڈ کے درمیان سیریز فیوچر ٹور پروگرام کا حصہ نہیں لیکن یقین ہے کہ جلد مزید پیشرفت ہوگی، دسمبر میں سری لنکا نے پاکستان میں ٹیسٹ میچز کھیلنے کا زبانی طورپر بتا دیا ہے تاہم ابھی تک آفیشل کنفرمیشن کا انتظار ہے۔
پاکستان اور سری لنکا کے درمیان پہلا ٹیسٹ 11 دسمبر سے راولپنڈی اور دوسرا 19 دسمبر سے کراچی میں شیڈول ہے۔ لنکن بورڈ کی جانب سے میچز کے مقامات کی منظوری دی جاچکی ہے تاہم تاریخوں پر ابھی باقاعدہ تصدیق ہونا باقی ہے، رواں ہفتے سری لنکا بورڈ کی جانب سے باضابطہ منظوری دی جا سکتی ہے۔
نواز شریف کی طبیعت بدستور خراب، شوگر لیول کنٹرول نہ ہو سکا
مریم نواز کا پاسپورٹ، 2 کروڑ کے مچلکے اور 7 کروڑ نقد عدالت میں جمع
