لاہور (اصل میڈیا ڈیسک) پاکستان تحریک انصاف کے رہنما جہانگیر ترین کا کہنا ہےکہ لگتا ہے منصوبے کے تحت چیزیں لیک کی جاتی ہیں لیکن پوری طرح مقابلہ کریں گے۔
لاہور میں میڈیا سے گفتگو کرتے ہوئے جہانگیر ترین نے کہا کہ ان کے تینوں مقدمات میں چینی کی قیمت بڑھنے کا کوئی تعلق نہیں، 6 سے 10 سال پہلے کی کمپنی کےفیصلوں کو چیلنج کیا جارہا ہے اور ان فیصلوں کو چیلنج کرنا ایف آئی اے کا کام نہیں ہے لیکن جان بوجھ کر ایف آئی اے کو کیس دیا گیا ہے۔
انہوں نے کہا کہ میڈیا ٹرائل کرکے شہرت کو نقصان پہنچانے کی کوشش کی جارہی ہے اور منی لانڈرنگ کا ایک لفظ ڈال کر اس کوکریمنل کیس بنادیا گیا ہے مگر ہم عدالت میں پیش ہوگئے ہیں اور پوری طرح مقابلہ کریں گے۔
پی ٹی آئی رہنما کا کہنا تھا کہ سوال ہے کہ میری شوگر ملزکو اس طرح کیوں اچھالا جارہا ہے؟ کیا باقی 80 شوگرملز میں کوئی ایشو نہیں ہے؟ لگتا ہے کہ منصوبے کےتحت چیزیں لیک کی جاتی ہیں، دو دن بعد کچھ ہونا ہوتا ہے تو اسے لیک کرکے میڈیا کو دے دیا جاتا ہے۔
بھارت میں جو کچھ ہو رہا ہے، اس پر امریکا خاموش کیوں؟ راہول گاندھی
پاکستان کو ماحولیاتی کانفرنس میں نہ بلانے پر ہونیوالے شور پر حیران ہوں: وزیراعظم
