پولیو سے پاک پاکستان

Polio Vaccine

Polio Vaccine

تحریر : ڈاکٹر شجاع اختر اعوان

پولیو وائرس ماحول میں موجود ہے اور اس سے بچاو کا واحد راستہ پولیو ویکسین ہے اس لیے جب بھی انسداد پولیو مہم کا انعقاد ہو اپنے پانچ سال تک کی عمرکے تمام بچوں کو پولیو سے بچاو کے قطرے پلوائیں بلکہ اس بات کو بھی یقینی بنائیں کہ ارد گرد یا علاقے میں کوئی بھی بچہ اس حفاظتی پولیو ویکسین سے محروم نہ رہ جائے یہ ہمارا،قومی اور اخلاقی فریضہ ہے کہ اپنے ملک کو امراض سے بچاو کیلئے اپنا کردار ادا کریں پولیو جیسے مرض کے خاتمے کیلئے حکومت پاکستان کی کوششیں ایک طویل عرصہ پر محیط ہیں۔ پاکستان کی وفاقی اور صوبائی حکومتوں نے انسداد پولیو کیلئے انتھک جدوجہد کی ہیں شعبہ صحت کے افسران، کارکنان اور رضاکار اس عظیم جدوجہد کے روئے رواں ہیں۔ جنہوں نے اس موذی مرض کے خاتمے کی خاطر اپنی جانیں تک قربان کی ہیں۔

تاکہ اپنی آنے والی نسلوں کو اس مرض کا شکار ہو کر اپاہج ہونے سے بچایا جا سکے۔ پولیو کے مرض کے خاتمے کیلئے انسداد پولیو مہم ملک بھر میں 21 سے 24 ستمبر کے دوران چلائی گئی۔ اس مہم کے دوران ملک بھر میں تین کروڑ نوے لاکھ سے زائد پیدائش سے لے کر پانچ سال تک کی عمر کے بچو ں کو پولیو ویکسین پلائی جائے گی۔ مہم کو کامیاب بنانے کیلئے دو لاکھ ساٹھ ہزار سے زائد پولیو ورکرز حصہ لیں گے جو گھر گھر جا کر بچوں کو پولیو ویکسین کے قطرے پلائیں گے۔صوبہ پنجاب کا ضلع اٹک انسداد پولیو مہم کے حوالے سے انتہائی اہمیت کا حامل ہے۔ صوبہ کا آخری سرحدی ضلع ہونے کے ناتے اس ضلع کی حدود صوبہ خیبر پختونخواہ کے اضلاع صوابی،نوشہرہ ہری پور، کوہاٹ اور پنجاب کے اضلاع میا نوالی، چکوال اور راولپنڈی سے بھی ملتی ہیں۔

جہاں سے متعدد داخلی راستوں کے ذریعے مسافروں کی اس ضلع میں آمدو رفت جاری رہتی ہے۔ ان افراد کے ساتھ موجود پانچ سال سے کم عمر بچوں کو شناخت کرکے پولیو ویکسین پلانا ایک دشوار گزار مرحلہ ہے۔ جسے شعبہ صحت اٹک کے پولیو ورکرز بخوبی انجام دے رہے ہیں تاکہ نہ صرف ضلع، صوبہ بلکہ ملک بھر کو پولیو جیسے خطرناک مرض سے محفوظ رکھا جا سکے۔ ملک کے دیگر حصوں کی طرح ضلع اٹک میں بھی انسداد پولیو مہم کو کامیاب بنانے کے لیے اقدامات کیے گئے ہیں اور اس سلسلے میں متعین کردہ اعدادو شمار پر 100 فیصد نتائج حاصل کرنے کیلے شعبہ صحت پر عزم ہے گئے ڈپٹی کمشنر اٹک علی عنان قمر کی سر پرستی افسران شعبہ صحت،چیف ایگزیکٹیو ڈسٹرکٹ ہیلتھ اتھارٹی ڈاکٹر سہیل اعجا ز اعوان، ڈسٹرکٹ ہیلتھ آفیسر ڈاکٹر ڈاکٹر جواد الہی ، ڈپٹی ڈسٹرکٹ ہیلتھ آفسران ڈی ایس وی اے ایس وی صاحبان شعبہ صحت کے کارکنان اور رضاکاروں کی بھرپور محنت کر رہے ہیں ڈپٹی کمشنر اٹک علی عنان قمر نے شعبہ صحت کے افسران و کارکنان پر زور دیا ہے کہ آمدہ انسداد پولیو مہم کو کامیاب بنانے کیلے بھر محنت کریں ڈسٹرکٹ ہیلتھ آفیسر ڈاکٹر جواد،الہی کے مطابق پولیو مہم کی باقاعدہ افتتاحی تقریب مہم شروع ہونے سے قبل منعقد کہ جائے گی اس مہم کے دوران ضلع اٹک میں دو لاکھ چھیانوے ہزار چھ سو باسٹھ بچوں کو پولیو ویکسین کے قطرے پلائے گئے۔ اس سلسلہ میں ضلع بھر میں بھرپور انتظامات کیئے گئے ہیں انسداد پولیو مہم میں نو سو ترپن ٹیموں نے حصہ لیں گی۔

ضلع کے داخلی اورخارجی راستوں پر متعین ٹیمیں پانچ سال سے کم عمر بچوں کو پولیو ویکسین کے قطرے پلائیں گی۔ جبکہ رومنگ ٹیمیں گھر گھر پہنچ کر یہ فریضہ انجام دیں گی اس سلسلہ میں ٹیموں کو فول پروف حفاظتی انتظامات مہیا کیئے جائیں گے۔ چیف ایگزیکٹیو آفیسر ڈسٹرکٹ ہیلتھ اتھارٹی اٹک ڈاکٹر سہیل اعجاز اعوان نے ڈسٹرکٹ ہیلتھ اتھارٹی کے افسران پر زور دیا ہے کہ اس مہم کو کامیاب بنانے کیلے خصوصی طور پر نگرانی کی جائے اور ضلع بھر کے دور افتادہ علاقوں کے دور ے کر کے انسداد پولیو مہم میں حصہ لے کر جانفشانی سے خدمات انجام دینے والے محنتی کارکنا ن کی حوصلہ افزائی بھی کی جائے۔

پانچ روز تک جاری رہنے والی اس مہم کے اختتا م پر عالمی ادارہ صحت اور یونیسف کی طرف سے ضلع اٹک میں انسداد پولیو مہم کا جائزہ بھی لیا جائے گا پولیو مہم قومی ادارہ صحت اسلام آباد، ڈاکٹر رانا صفدر نے بتایا کہ حکومت پاکستان پولیو کے مرض کے خاتمے کیلئے موثر حکمت عملی کے تحت کام کر رہی ہے۔ اور پولیو وائرس کے خاتمے کیلئے ہر ممکنہ وسائل بروئے کار لائے جا رہے ہیں۔ والدین کوچاہیے کہ وہ انسداد پولیو مہم میں اپنے پانچ سال تک عمر کے بچوں کو پولیو ویکسین کے قطرے پلائیں تاکہ انہیں اس موذی مرض سے محفوظ رکھا جا سکے۔ انہوں نے مزید کہا کہ انسداد پولیو مہم میں حصہ لے کر اسے کامیابی کی طرف گامزن کرنے والے شعبہ صحت کے افسران، کارکنان، رضاکار قومی ہیرو کا درجہ رکھتے ہیں۔ جنہوں قوم کبھی فراموش کیا جا سکتا سی ای او ہیلتھ اٹک ڈاکٹر محمد سہیل اعجاز اعوان ضلع اٹک میں امراض کے خاتمہ کی انتظامی صلاحیتوں کی بھرپور تعریف کی اور بیماریوں کے خلاف شعور اجاگر کرنے کیلئے انہیں مکمل تعاون کا یقین بھی دلایا۔

Shuja Akhtar Awan

Shuja Akhtar Awan

تحریر : ڈاکٹر شجاع اختر اعوان
کالم نگار۔۔۔۔۔۔۔اٹک 03122878330