حکمران لاکھ دھاندلی کر لیں گلگت بلتستان سے شیر ہی جیتے گا، مریم نواز

 Maryam Nawaz

Maryam Nawaz

چلاس (اصل میڈیا ڈیسک) پاکستان مسلم لیگ (ن) کی نائب صدر مریم نواز کا کہنا ہے حکمرانوں کے دن اب گنے جا چکے ہیں حکمران لاکھ دھاندلی کرلیں یہاں سے شیرہی جیتے گا۔

چلاس گللگت بلتستان میں انتخابی جلسے سے خطاب کرتے مریم نواز نے کہا کہ الیکشن آیا نہیں لیکن دھاندلی شروع ہو گئی ہے، حکمران لاکھ دھاندلی کرلیں یہاں سے شیر ہی جیتیں گے شیر آگیا تو سارے گیڈر بھاگ جائیں گے، (ن) لیگ کے امیدوار لوٹوں کو شکست دیں گے جب کہ گلگت بلتستان الیکشن میں عوام لوٹوں کو ہرگز ووٹ نہ دیں۔

مریم نواز نے ایک مرتبہ پھر حکمران جماعت کو تنقید کا نشانہ بنایا اور کہا کہ حکومت کے دن گنے جاچکے ہیں۔ اس سے پہلے اسلام آباد سے گلگت پہنچنے پر کارکنوں کی جانب سے مریم نواز کا پر جوش استقبال کیا۔ مریم نواز نے جگللوٹ میں بھی عوامی جلسے سے خطاب کیا جس میں ان کا کہنا تھا کہ مسلم لیگ (ن) کا گلگت بلتستان کے عوام کے ساتھ دل کا رشتہ ہے۔