روس کا جوہری وار ہیڈ منجمد کرنے پر تیار، امریکا کا خیر مقدم

 Russia - America

Russia – America

ماسکو (اصل میڈیا ڈیسک) روسی وزارت خارجہ کے اس اعلان کے بعد کہ ماسکو نے اسٹریٹیجک اسلحہ کم کرنے کے معاہدے ‘اسٹارٹ 3’ میں ایک سال کی توسیع اور جوہری وار ہیڈزکومنجمد کرنے کا عہد کرنے کے لیے واشنگٹن کے ساتھ کام کرنے کے لیے تیار ہے۔ دوسری طرف امریکی محکمہ خارجہ نے اعلان کیا کہ جوہری ہتھیاروں کو محدود کرنے سے متعلق پیش رفت کا خیرمقدم کرتا ہے۔

امریکی وزارت خارجہ کی ترجمان مورگن اورٹاگس نے کہا ہم روس کے جوہری ہتھیاروں کو کم کرنے پر پیش رفت کرنے پر آمادگی کے لیے ان کے شکر گذار ہیں۔ امریکا اس معاہدے کو حتمی شکل دینے کی خٰاطر فوری طور پر ملاقات کرنے کےلیے تیارہے۔ ہم توقع کرتے ہیں کہ روس اپنے سفارتکاروں کو بھی ایسا کرنے کی اجازت دے گا۔

وزارت خارجہ نے ایک بیان کہا گیا ہے کہ روس اسٹارٹ 3 معاہدے کوایک سال کے لیے توسیع کی تجویز پیش کرتا ہے۔ امریکا نے روس کو جوہری وار ہیڈز کو منجمد کرنے کی تجویز پیش کی تھی۔ اس پر دونوں فریقوں کی ملکیت میں جوہری وار ہیڈز کی تعداد کو منجمد کرنا اہم پیش رفت ہے۔ اس سے دنیا بھر میں اسلحے کے حصول کے لیے جاری دوڑ کم کرنے میں مدد ملے گی۔

امریکی وزارت خارجہ کی ترجمان کا کہنا ہے کہ دونوں‌ ملکوں کو جوہری وار ہیڈز کی تعداد کم کرنے یا انہیں منجمد کرنے کے موقف پر قائم رہنا چاہیے۔

انہوں نے مزید کہا کہ اگر یہ نقطہ نظر واشنگٹن کے لیے موزوں ہے ‘اسٹارٹ 3’ معاہدے کی توسیع کے نتیجے میں حاصل ہونے والا وقت جوہری میزائل ہتھیاروں کی آئندہ نگرانی پر جامع دوطرفہ بات چیت کرنے کے لیے استعمال کیا جا سکتا ہے۔