روس (اصل میڈیا ڈیسک) روس کے صدر ولادیمیر پوتن نے کورونا ویکسین لگوا لی ہے۔
کریملن کے ترجمان دمتری پیسکوف نے اخباری نمائندوں کے لئے جاریکردہ بیان میں کہا ہے کہ صدر پوتن کو کل روسی ساختہ کورونا ویکسین کی پہلی خوراک لگائی گئی ہے اور تقریباً 3 ہفتے بعد دوسری خوراک لگائی جائے گی۔
اس سوال کے جواب میں کہ پوتن کو کونسی ویکسین لگائی گئی ہے؟ پیسکوف نے کہا ہے کہ “اس کے بارے میں صرف صدر پوتن اور ان کے ڈاکٹر ہی جانتے ہیں”۔
واضح رہے کہ پیسکوف نے کل جاری کردہ بیان میں بھی صدر پوتن کو لگائی جانے والی ویکسین کے بارے میں کوئی معلومات فراہم نہیں کی تھیں ۔
اگرچہ ذرائع ابلاغ کو ویکسینیشن کی کوریج کی اجازت نہیں دی گئی تاہم ویکسین لگوانے کے بعد جاریکردہ بیان میں پوتن نے کہا تھا کہ وہ خود کو بہتر محسوس کر رہے ہیں۔
برطانیہ میں پناہ کے متلاشی افراد کے لیے پالیسی میں سختی
شام پر شامی عوام کی حکومت قائم کرنے تک اپنی کوششوں کو جاری رکھیں گے۔ رجب طیب ایردوان
