کراچی (اصل میڈیا ڈیسک) اپنی مدھر اور سریلی آواز سے لوگوں کو مسحور کرنے والے لیجنڈ گلوکار سجاد علی کا نیا گانا’’بارش‘‘لوگوں کو بھا گیا۔
سجاد علی نے گزشتہ روز اپنا نیا گانا ’’بارش‘‘ ریلیز کیا، گانا ریلیز ہوتے ہی سوشل میڈیا پر مقبول ہوگیا جب کہ اس گانے کو یوٹیوب پر اب تک تقریباً 60 ہزار لوگ دیکھ چکے ہیں۔
گانے کی ویڈیو میں سجاد علی کی نوجوانی کی محبت کو نہایت خوبصورتی کے ساتھ پیش کیا گیا ہے جس میں سجاد علی کی جوانی کا کردار ان کے بیٹے نے ادا کیا ہے۔
ویڈیو میں دکھایا گیا ہے کہ سجاد علی اپنی محبت سے الگ ہونے کے بعد بھی اس کی یادوں کے ساتھ رہتے ہیں۔ بعد ازاں ویڈیو میں وقت کے ساتھ محبت کی کہانی بھی آگے بڑھتی ہے اور سجاد علی اداکارہ ریما کی یادوں میں کھوئے ہوتے ہیں۔ ریما نے اس لڑکی کا کردار اداکیا ہے جو نوجوانی میں سجاد علی کو چھوڑ کر چلی جاتی ہے۔
اب نہ مزید ٹیکس لگیں گے اور نہ گیس و بجلی کی قیمتیں بڑھیں گی: غلام سرور
PSL فرنچائز لاہور قلندر اور دی آرکیڈ اسکول کے درمیان شراکت داری معاہدہ طے پا گیا
