سعودی عرب میں 16 سال کی عمر کے افراد کو ‘فائزر’ ویکسین لگوانے کی منظوری

Saudi Arabia, Corona Vaccine

Saudi Arabia, Corona Vaccine

سعودی عرب (اصل میڈیا ڈیسک) سعودی عرب کی وزارت صحت کا کہنا ہے کہ مملکت میں بزرگ شہریوں کو کرونا ویکسین لگوانے کے بعد کم عمرا فراد کو بھی کرونا ویکسین لگوانے کی منظوری دے دی گئی ہے۔ امریکی کپنی ‘فائزر’ کی تیار کردہ ویکسین کو مملکت میں 16 سال کی عمر کے افراد کو لگوانے کی اجازت دے دی گئی ہے۔

وزارت صحت کا کہنا ہے کہ ‘فائزر ۔ بایونٹیک’ ویکسین کو 16 سال کی عمر میں جب کہ آسٹرازینیکا ۔ آکسفورڈ کو 18 سال اور اس سے زائد عمرکے افراد کو لگوانے کی منظوری دی ہے۔

وزارت صحت کا کہنا ہے کہ مملکت میں دی جانے والی تمام ویکسینیں محفوظ ہیں اور یہ ‘کوویڈ 19’ کے اثرات کے خلاف جسم میں قوت مدافعت پیدا کرنے کا ذریعہ بن رہی ہیں۔

وزارت صحت نے انکشاف کیا کہ اب تک مملکت میں 30 لاکھ افراد کو کرونا ویکسین دی جاچکی ہے۔ مملکت میں کرونا ویکسین لگوانے کے لیے 5 مراکز قائم کیے گئے ہیں۔