سعودی عرب کے ائیر پورٹ پر حوثی باغیوں کا میزائل حملہ، 10 افراد زخمی

Saudi Arabia Airport

Saudi Arabia Airport

جازان (اصل میڈیا ڈیسک) سعودی عرب کے شہر جازان کے کنگ عبداللہ ائیرپورٹ پر حوثی باغیوں کے میزائل حملے میں 10 افراد زخمی ہو گئے۔

عرب میڈیا کے مطابق جمعے کے روز سعودی عرب کے شہر جازان کےکنگ عبداللہ ائیرپورٹ پر حوثیوں نے مزائل حملہ کیا جس کے نتیجے میں 10 افراد زخمی ہوگئے۔

ترجمان عرب اتحاد کے مطابق زخمیوں میں 6 سعودی مسافروں سمیت 3 بنگلا دیشی اور ایک سوڈانی ملازم شامل ہے، حملے میں ائیرپورٹ کے کچھ حصوں کی کھڑکیاں بھی ٹوٹ گئیں۔

ترجمان عرب اتحاد کا کہنا ہے کہ حوثیوں کی شہریوں اور املاک کو نشانہ بنانے کی کوششیں جنگی جرائم ہیں، شہریوں کے تحفظ کے لیے مناسب آپریشنل اقدامات کیے جا رہے ہیں۔

عرب میڈیا کے مطابق عرب اتحاد نے جمعرات کو سعودی عرب کے جنوب مغربی شہر خمیس مشیت کی طرف آنے والے ایک بیلسٹک میزائل اور 2 ڈرون حملوں کو ناکام بنایا تھا۔

اس سے قبل جمعرات کو بھی سعودی عرب کے ابھا انٹرنیشنل ائیرپورٹ پر مبینہ حوثی ڈرون حملے کو ناکام بنانے کی کوشش کے دوران 4 افراد زخمی ہوئے تھے۔