fbpx

سعودی عرب، یو اے ای، عراق، اردن اور قطر میں عیدالفطر اتوار کے روز ہو گی

Eid al-Fitr

Eid al-Fitr

سعودی عرب (اصل میڈیا ڈیسک) سعودی حکام نے اعلان کیا ہے کہ شوال کا چاند نظر نہیں آیا اور عیدالفطر 24 مئی اتوار کے روز منائی جائے گی۔ مملکت کے علاوہ متحدہ عرب امارات، عراق، قطر اور اردن میں بھی عید الفطر اتوار کے روز منائی جائے گی۔

سعودی عرب میں شوّال المکرم کا چاند نظر نہیں آیا ہے اور سرکاری حکام نے اعلان کردیا ہے کہ یکم شوال اتوار 24 مئی کو ہوگی اور عید الفطر بھی اسی کی مناسبت سے 24 مئی کو منائی جائے گی۔

یاد رہے کہ سعودی فقہ کونسل اعلان کر چکی ہے کہ کرونا وائرس کے بعد پیدا ہونے والی ہنگامی صورت حال کے تناظر میں خطبہ کے بغیر نماز عید گھروں میں ادا کرنا جائز ہے۔ اس امر کا اظہار امام مھمد بن سعود اسلامی یونیورسٹی کے فکلیٹی آف شریعہ کے پروفیسر ڈاکٹر سعد الخثلان نے کیا ہے۔