اسلام آباد (اصل میڈیا ڈیسک) الیکشن کمیشن نے سینیٹ انتخابات کیلئے تیاریاں شروع کر دیں۔ ذرائع الیکشن کمیشن کے مطابق ریٹرننگ آفیسرز اور پولنگ عملہ کی تعیناتی پر کام شروع کر دیا گیا ہے، سینیٹ انتخابات کی تیاریاں 3 مراحل میں ہونگی،آفیسرز کی ٹریننگ پر کام شروع کر دیا گیا ہے۔
پولنگ عملہ کی دو مرحلوں میں تربیت ہوگی، پہلے بیج کی ٹریننگ آئندہ ہفتے سے شروع ہوگی، تربیتی پروگرام ہفتہ، اتوار اور پیر کو جاری رہے گا،دوسرے بیج کی تربیت منگل، بدھ اور جمعرات کو ہوگی۔
انتخابات متناسب نمائندگی اور سنگل ٹرانسفر ایبل ووٹ کی بنیاد پر ہونگے، سیکرٹ یا اوپن ووٹنگ کا فیصلہ سپریم کورٹ میں زیر سماعت ریفرنس کے فیصلہ کے بعد ہوگا، پنجاب اور سندھ میں11، 11، بلوچستان اور خیبر پختونخوا میں 12، 12اور اسلام آباد کی2 نشستوں پر پولنگ ہو گی۔
ٹک ٹاک کے جنون نے ایک اور نوجوان کی جان لے لی
پاکستان میں کورونا سے مزید 23 ہلاکتیں، 1629 نئے کیسز بھی رپورٹ
