بنکاک (اصل میڈیا ڈیسک) تھائی لینڈ میں بدھ مذہب کے ایک تہوار میں شرکت کے لیے جانے والے والی مسافر بس اور ٹرین میں خوفناک تصادم سے 20 افراد ہلاک اور 29 زخمی ہو گئے۔
عالمی خبر رساں ادارے کے مطابق تھائی لینڈ کے صوبے چاچوئنگساو میں مسافر بس بدھ مت ایک تہوار میں شرکت کے لیے دارالحکومت سے دور عبادت گاہ پگوڈا جارہی تھی کہ پٹری عبور کرتے ہوئے ٹرین سے تصادم ہوگیا۔ حادثے کے بعد ریلوے ٹریک پر ہر جانب لاشیں اور زخمی مسافر بے یارو مددگار پڑے تھے۔
ریسکیو اداروں کے اہلکاروں نے امدادی کاموں کا آغاز کرتے ہوئے ہلاک اور زخمی ہونے والوں کو مسافر بس کے ملبے سے نکال کر قریبی اسپتال منتقل کیا۔ بس کا ملبہ پٹری سے اُٹھانے کے لیے کرین منگوائی گئی ہے۔
تھائی لینڈ میں ٹریفک حادثات عام ہیں، اقوام متحدہ کی 2018 میں شائع ہونے والی ایک رپورٹ میں کہا گیا ہے کہ دنیا بھر میں ٹریفک حادثات میں ہلاکتوں کی تعداد کے لحاظ سے تھائی لینڈ دوسرے نمبر پر ہے۔
جس کا جینا مرنا پاکستان کیساتھ ہو اسے بھی غداروں میں شامل کر لیا گیا: وزیراعظم آزاد کشمیر
عرب امن فارمولے کے تحت تنازع فلسطین کا دو ریاستی حل چاہتے ہیں: بحرین
