دی اسٹریم اسکول کورنگی کے تحت یوم دفاع پاکستان کی تقریب، دفاع وطن کے جانثاروں کو طلباء و طالبات کا خراج عقیدت

 THE STREEM SCHOOL YOM E DIFA PROGRAME

THE STREEM SCHOOL YOM E DIFA PROGRAME

کراچی (اسٹاف رپورٹر) پاکستان عظیم قربانیوں کا ثمر ہے وطن کے تحفظ ،سلامتی اور ہمارے مستقبل کو محفوظ بنا نے کے لئے ہماری افواج کے بہادر جانبازوں نے اپنی جان نچھاور کردی ہم اپنے اُن بہادر سپوتوں کو سلام پیش کرتے ہیں ان خیالات کا اظہار پرائیویٹ اسکول ایسوسی ایشن ڈسٹرکٹ کورنگی کے صدر پرویز ہارون نے دی اسٹریم اسکول کورنگی کے تحت منعقدہ یوم دفاع پاکستان کی پر وقار تقریب سے خطاب کرتے ہوئے کیا تقریب سے ایڈمنسٹریٹر افتخار ،معروف جرنلسٹ لیاقت کشمیری ،پرنسپل نازش افتخار اور PTIکے رہنماء عمران یونس اور دیگر نے بھی خطاب کیا تقریب میں اسکول کے طلباء و طالبات نے یوم دفاع کی مناسبت سے ٹیبلو پیش کئے ،تقریب سے اپنے خطاب میں پرویز ہارون نے مزید کہا کہ فروغ علم میں نجی تعلیمی اسکول مثالی کردار ادا کررہے ہیں۔

کورنگی جیسے مضافاتی علاقے میں دی اسٹریم اسکول نے مثالی تعلیم اسٹینڈرڈ قائم کیا ہوا ہے یقینا دی اسٹریم اسکول کا شمار کورنگی کے بہترین اسکولوں میں ہوتا ہے ۔اس موقع پر اپنے خطاب میں معروف جرنلسٹ لیاقت کشمیری نے کہا کہ ہمیں آزادی کی قدر کرنا چاہیئے ہمارا وطن عظیم جدو جہد اور قربانیوں کی وجہ سے وجود میں آیا دفاع وطن کے لئے ہماری افواج کے بہادر سپوتوں نے اپنی جان وطن پر نچھاور کردی مگر وطن پر آنچ نہ آنے دیا ہم اپنے وطن کے عظیم جانثاروں کو خراج عقیدت پیش کرتے ہیں ۔تقریب کے اختتام پر اسکول کے طلباء و طالبات نے کشمیری عوام سے اظہار یکجہتی کیا اور کشمیری عوام پر بھارتی حکومت کی جانب سے ڈھائے جانے والے مظالم کی پر زور مذمت کی گئی۔