امریکا اور کینیڈا کی مسلم تنظیموں نے 24 اپریل کو پہلے روزے کا اعلان کر دیا

Muslim Organizations

نیویارک (اصل میڈیا ڈیسک) طے شدہ کلینڈرپر عمل کرنے والی امریکا اور کینیڈا کی مسلم تنظیموں نے 24 اپریل کو پہلے روزے کا اعلان کر دیا۔

فقہ کونسل برائے شمالی امریکا کے مطابق امریکا اور کینیڈا میں فلکیاتی تخمینے کے تحت 24 اپریل کو رمضان المبارک کا آغاز ہوگا۔

فقہ کونسل کا کہنا ہے کہ 23 اپریل کو نماز تراویح ادا کی جائے گی۔

دوسری جانب رویت ہلال کمیٹی پر عمل کرنے والی مساجد اور تنظیمیں چاند نظر آنے کی شہادتوں کے بعد آغاز رمضان کا اعلان کریں گی۔

واضح رہے کہ رواں برس کورونا وائرس کے باعث مسلم تنظیموں کی جانب سے مسلمانوں سے مساجد کے بجائے گھروں میں عبادت کرنے کی اپیل کی گئی ہے۔

پاکستان اور سعودی عرب سمیت کئی اسلامی ممالک میں رمضان المبارک کا چاند دیکھنے کیلئے 23 اپریل کو اجلاس ہوگا۔

Nasir Mehmood - Chief Editor at GeoURDU.com