fbpx

اس سال ایپل آئی فون کے دو سستے ماڈل پیش کیے جائیں گے

iphone

iphone

سان فرانسسکو: ایپل کمپنی رواں سال آئی فون کے 5 سے 6 نئے ماڈل پیش کرے گی جن میں دو انتہائی سستے فون بھی شامل ہوں گے۔

ابتدائی اطلاعات کے مطابق دونوں سستے نئے فون کے ڈسپلے مہنگی او ایل ای ڈی کی بجائے ایل سی ڈی کے ہوں گے اور انہیں آئی فون ایس ای ٹو کا نام دیا گیا ہے۔ ایپل کی ویب سائٹ ایپل انسائیڈر کے مطابق دونوں فون کی اسکرین میں تھوڑا فرق ہوگا۔ ایک کی اسکرین ساڑھے 5 انچ اور دوسرے کی اسکرین 6 انچ تک ہوگی۔

ایک اور ویب سائٹ کے مطابق ایپل یہ فون اس سال مارچ میں ریلیز کرے گا اور بعض اطلاعات کے مطابق اس کی تیاری کا کام شروع ہوچکا ہے۔ اگر قیمت کی بات کی جائے تو فون کی قیمت 399 ڈالر تک ہوسکتی ہے البتہ اسے تین مختلف رنگوں میں پیش کیا جائے گا۔ ان میں 64 اور 128 جی بی گنجائش کے ورژن شامل ہوں گے۔

ایک اور ویب سائٹ نائن ٹو فائیو نے کہا ہے کہ یہ فون گرے، سلور اور سرخ رنگ میں پیش کیا جارہا ہے۔ اس کا ڈیزائن آئی فون ایٹ جیسا رکھا گیا ہے اور ایپل کا جدید ترین اے 13 بایونک پروسیسر شامل کیا گیا ہے۔ یہ پروسیسر جدید ترین ایپل 11 میں نصب کیا گیا ہے۔

اسی سال ستمبر میں ایپل آئی فون 12 پیش کرے گا جو ظاہر ہے فائیو جی ماڈل ہوگا۔ آئی فون 12 پرو کی اسکرین 5.4 انچ اور آئی فون 12 پرو پلس فائیو جی کی اسکرین 6.1 انچ وسیع ہوگی اس طرح ایپل فور جی کے تین ماڈل اور فائیوجی کے تین ماڈل ریلیز کررہا ہے۔ علاوہ ازیں پلس اور میکس ماڈلوں میں تھری ڈی سینسنگ اور ٹرپل ریئر کیمرے نصب ہوں گے۔

ایپل 12 میں میں اے 12 سات نینو میٹر زمرے کا پروسیسر بھی سرکٹ کے دماغ کے طور پر پیش کیا جائے گا۔