پاکستان ہاکی فیڈریشن نے چین کیخلاف چار ٹیسٹ میچوں کی سیریز کے لئے اٹھارہ رکنی قومی ہاکی ٹیم کا اعلان کر دیا۔ قومی سلیکشن کمیٹی نے نیوزی لینڈ میں منعقدہ چیمپیئنز ٹرافی میں شرکت کرنے والی پاکستانی ٹیم کو برقرار رکھنے کا فیصلہ کیا ہے۔ پینلٹی کارنر ماہر سہیل عباس کو انجری کے باعث ڈراپ کرتے ہوئے محمد عمر بھٹہ کو ٹیم میں شامل کیا گیا ہے۔ سیریز کی تیاری کیلئے پاکستان ہاکی ٹیم اٹھارہ دسمبر کو ہاکی کلب آف پاکستان، کراچی میں رپورٹ کریگی۔ اعلان کردہ شیڈول کے مطابق چین کی ہاکی ٹیم انیس دسمبر کو ہہ پاکستان پہنچ رہی ہے۔ ابتدائی دو میچز اکیس اور بائیس دسمبر کو کراچی میں، تیسرا میچ چوبیس دسمبر کو فیصل آباد اور چوتھا میچ پچیس دسمبر کو لاہور میں کھیلا جائے گا۔
سنگاپور میں ایشین کرکٹ کونسل کا اجلاس ختم ہو گیا
پاکستان، بنگلہ دیش دوسرا ٹیسٹ کل شروع ہو گا
