بھمبر کی خبریں 23-1-2013
Posted on January 23, 2013 By Zain Webmaster سٹی نیوز
گزشتہ روز موٹر سائیکل اور ہائی ایس کی ٹکر سے شدید زخمی ہونے والے دونوں نوجوان پمز ہسپتال میں جان کی بازی ہار گئے
بھمبر ( ڈسٹرکٹ رپورٹر)گزشتہ روز موٹر سائیکل اور ہائی ایس کی ٹکر سے شدید زخمی ہونے والے دونوں نوجوان پمز ہسپتال میں جان کی بازی ہار گئے علاقہ میں کہرام مچ گیا مرحومین کو نماز جنازہ کے بعد آہوں اور سسکیوں میں بڑھنگ میں سپر خاک کر دیا گیا تفصیلات کیمطابق گزشتہ روز بڑھنگ کے رہائشی سیاسی و سماجی شخصیت ماسٹر محمد نعیم کا جواں سالہ بیٹا شکیل احمد ولد ماسٹر محمد نعیم اپنے دوست ریحان احمد ولد حاجی سفیان کیساتھ اپنے موٹر سائیکل نمبر GTK7321پر بڑھنگ سے بھمبر کی طرف آرہے تھے کہ باب کشمیر پل پر گجرات سے بھمبر آنے والی ہائی ایس نمبری 8459پشاور سے ٹکرا گئے حادثہ اتنا شدید تھا کہ موٹر سائیکل مکمل طور پر تباہ ہو گیا دونوں زخمی نوجوانوں کو ابتدائی طبی امداد دینے کے بعد اسلام آباد ریفر کر دیا گیا مگر دونوں جانبر نہ ہو سکے اور خالق حقیقی سے جاملے مرحومین کی ہلاکت کی خبر جب بھمبر پہنچی تو فضا سوگوار ہو گئی اور ہر آنکھ اشک بار ہو گئی مرحومین کو گزشتہ روز نمازجنازہ کے بعد بڑھنگ میں سپرد خاک کر دیا گیا نماز جنازہ میں سیاسی وسماجی راہنماؤں،سول سوسائٹی ،صحافیوں ،تاجروں ،وکلاء ،اساتذہ ،عوام علاقہ اور عزیز واقارب کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم ڈیڑھ کروڑ مقیم کشمیریوں کے حق آزادی کے حصول کیلئے سرگرم عمل ہیں ، جنرل محمد شفیق کیانی
بھمبر (ڈسٹرکٹ رپورٹر)کشمیر فریڈم موومنٹ کے مرکزی سیکرٹری جنرل محمد شفیق کیانی نے کہا ہے کہ ہماری جدوجہد ظلم و جبر ،استحصال ،لوٹ گھسوٹ اور اقرباء پروری سے پاک ایسی اسلامی فلاحی ریاست کے قیام کیلئے ہے جس میں بسنے والے ہر فرد کو بلا تحصیص رنگ ،نسل ،مذہب اور فرقہ کے یکساں سیاسی ،سماجی ،مذہبی ،معاشرتی و معاشی حقوق حاصل ہوں ان خیالات کا اظہار انہوں نے بھمبر میں کارکنان موومنٹ سے اپنی خصوصی بات چیت کرتے ہوئے کیا انہوں نے کہا کہ ہم ڈیڑھ کروڑ مقیم کشمیریوں کے حق آزادی کے حصول کیلئے سرگرم عمل ہیں ہمارا مطالبہ ہے کہ ریاست جموں و کشمیر کی 1947سے قبل کی جغرافیائی حیثیت بحال کی جائے اور ریاست کا اقتدار اعلیٰ ریاستی عوام کو منتقل کیا جائے بصورت دیگر بر صغیر میں امن کی ضمانت نہیں دی جا سکتی اگر بر صغیر کے ڈیڑھ ارب انسانوں کا مستقبل محفوظ رکھنا ہے تو ریاست جموں وکشمیر کے ڈیڑھ کروڑ کشمیریوں کے حق آزادی کو تسلیم کیا جائے انہوں نے کہا کہ کشمیر فریڈم موومنٹ تقسیم کشمیر سمیت تحریک آذادی کشمیر کیخلاف ہونیوالی تمام سازشوں کو مسترد کرتی ہے اور واضح کرتی ہے کہ سامراجی قوتوں کے ایسے مکروہ عزائم کی بھرپور مزاحمت کی جائیگی انہوں نے کہاکہ شہید کشمیر مقبول بٹ شہید کا یوم شہادت 11فروری کو اس عزم کیساتھ منایا جائیگا کہ شہید قائد کے افکار کی روشنی میں مادر وطن کی آزادی کی جدوجہد جاری رکھی جائے گی اس سلسلے میں برطانیہ آزاد کشمیر اور دنیا بھر میں موومنٹ کی برانچیں مظاہرے ،سیمنار اور جلسے منعقد کریں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
12ربیع الاول کو شایان شان طریقہ سے منانے کیلئے مرکزی میلاد کمیٹی ،سول سوسائٹی ،تاجروں اور سرکاری آفیسران کی میٹنگ ڈپٹی کمشنر آفس میں منعقد ہو ئی
بھمبر ( ڈسٹرکٹ رپورٹر) 12ربیع الاول کو شایان شان طریقہ سے منانے کیلئے مرکزی میلاد کمیٹی ،سول سوسائٹی ،تاجروں اور سرکاری آفیسران کی میٹنگ ڈپٹی کمشنر آفس میں منعقد ہو ئی جس میں شرکاء میٹنگ نے اپنے اپنے خیالات کا اظہار شرکاء سے خطاب کرتے ہوئے ڈپٹی کمشنر بھمبر چوہدری محمد طیب نے کہاکہ12ربیع الاول ہمارے پیارے نبی حضرت محمد صلی اللہ علیہ وآلہ وسلم کا یوم پیدائش ہے اس قومی اور مذہبی تہوار کو عقیدت و احترام سے مناناہم سب کا فرض ہے اجلاس میں 12ربیع الاول کو شہر کی صفائی ستھرائی ،ٹریفک ،سیکورٹی پلان ،سجاوٹ چراغاں لنگر تقسیم اور جلوس مین تقاریر کے تمام پروگرامز کو حتمی شکل دی گئی اجلاس میں ایڈمنسٹریٹر بلدیہ چوہدری ولید اشرف،اسسٹنٹ کمشنر بھمبر ندیم احمد جنجوعہ ،ڈی ایس پی ہیڈکوارٹر سردار نسیم محمود،DHOڈاکٹر طارق محمود ،MSڈاکٹر اقبال حسین ،صدر بار چوہدری محمد اسلم ایڈووکیٹ،صدر کشمیر فریڈم موومنٹ انجینئر خالد پرویز بٹ ،اسسٹنٹ کسٹوڈین عبدالقیوم راٹھور ،ڈی ایف او راجہ عمران شفیع،چیف آفیسر ضلع کونسل ذوالفقار علی چاڑ ،اسسٹنٹ ڈائریکٹر امور حیوانات ڈاکٹر تصور چیمہ ،اسسٹنٹ ڈائریکٹر زراعت چوہدری شبیر حسین ،ڈپٹی ڈی ای او راجہ محمد اسحاق،حاجی محمد عبداللہ،خواجہ عامر رسول بٹ ،تحصیلدار بھمبر چوہدری محمد منیر ،نائب تحصیلدار راجہ محمد بوٹا خان ،اظہر بانوی ،ایس ڈی او لوکل گورنمنٹ راجہ عماد خالد ،ایس ڈی او شاہرات شہزادہ اورنگزیب ،ایس ڈی او بلڈنگ شاہین اختر ،ایس ڈی او پبلک ہیلتھ ،چوہدری خورشید احمد صدر معلم،راجہ محمد اقبال صدر چیمبر آف کامرس بھمبر ،ناصر شریف بٹ سینئر نائب صدر کشمیر پریس کلب ،سول ڈیفنس آفیسر شوکت علی بھٹی،سعید احمد بٹ ،ماسٹر محمد اکرم عرف پپوجٹ و دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
محمد ذوالقرنین خان ، چوہدری انوار الحق اور دیگر نے ماسٹر محمد نعیم اور حاجی محمد سفیان کے جواں سالہ بیٹوں کی حادثاتی موت پر دلی رنج وغم کا اظہار کیا
بھمبر ( ڈسٹرکٹ رپورٹر)سابق صدرریاست راجہ محمد ذوالقرنین خان ، سابق سپیکر اسمبلی چوہدری انوار الحق ،ممبر کشمیر کونسل راجہ بابر علی ذوالقرنین ، سابق ممبر ضلع کونسل چوہدری محمد یوسف درائیاں ، راجہ شاہد انور خان ، راجہ فضل الرحمن پوٹھی، چوہدری آفتاب احمد کوہل نے اپنے مشترکہ تعزیتی بیان میں ماسٹر محمد نعیم آف بڑھنگ اور حاجی محمد سفیان کے جواں سالہ بیٹوں کی حادثاتی موت پر دلی رنج وغم کا اظہار کرتے ہوئے مرحومین کیلئے دعائے مغفرت اور ورثاء کیلئے صبروجمیل کی دعاکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق چیئرمین ضلع و زکوة و عشر کوٹلی چوہدری لیاقت کے والد محترم سردار علی مرحوم کی رسم چہلم 26 جنوری کو ادا کی جائے گی
بھمبر ( ڈسٹرکٹ رپورٹر) سابق چیئرمین ضلع و زکوة و عشر کوٹلی چوہدری لیاقت کے والد محترم سردار علی مرحوم کی رسم چہلم 26جنوری کو ادا کی جائے گی تفصیلات کیمطابق سابق چیئرمین ضلع زکوة و عشر کوٹلی چوہدری لیاقت علی کے والد محترم سردار علی مرحوم کی رسم چہلم 26جنوری بروز ہفتہ دن 2بجے ڈھیری وٹاں گاؤں میں ادا کی جائیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر پریس کلب بھمبر کے صدر راجہ نعیم گل 26 جنوری کو عمرہ کی ادائیگی کیلئے سعودی عرب روانہ ہونگے
بھمبر ( ڈسٹرکٹ رپورٹر)کشمیر پریس کلب بھمبر کے صدر راجہ نعیم گل 26جنوری کو عمرہ کی ادائیگی کیلئے سعودی عرب روانہ ہونگے تفصیلات کیمطابق کشمیر پریس کلب بھمبر کے صدرراجہ نعیم گل عمرہ کی سعادت حاصل کرنے کیلئے 26جنوری برو ز ہفتہ کو اسلام آباد سے سعودی عرب کیلئے روانہ ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اکاؤنٹنٹ جنرل نے AG آفس میں انقلابی اصلاحات کا آغاز کر دیا
بھمبر ( ڈسٹرکٹ رپورٹر)اکاؤنٹنٹ جنرل نے AGآفس میں انقلابی اصلاحات کا آغاز کردیا پینشنرز کو کمپیوٹرائزڈ پنشن کی ادائیگی بذریعہ بنک شروع کردی پنشنرز ،سرکاری ملازمین میں خوشی کی لہر دوڑ گئی تفصیلات کیمطابق اکاؤنٹنٹ جنرل آزاد حکومت ریاست جموں و کشمیر و کشمیر و کونسل سید گلزار حسین نے اپنے عہدے کا چارج سنبھال کر انتہائی مختصر عرصہ میں AGآفس میں انقلابی اصلاحات کا آغاز کر دیا ہے آزاد کشمیر بھر کے تمام ڈسٹرکٹ اکاؤنٹس آفس میں ریٹائرڈ پنشنرز کو پنشن کی ادائیگی کمپوٹرائزڈ کرکے شیڈول بنکوں کے ذریعے ادائیگی شروع کر دی اب پنشنرز کی پنشن ہر مہینے کی پہلی تاریخ کو ان کے اکاؤنٹس میں چلی جائے گی پنشنرز اور عوام کو اس سہولت سے استفادہ حاصل کرنے کیلئے ڈسٹرکٹ اکاؤنٹس آفس میں اشتہار چسپاں کر دیئے گئے ہیں جبکہ پنشن کو کمپیوٹرائزڈ کرنے کیلئے ضلع بھمبر کی تمام فوٹو سٹیٹ کی دوکانوں سے فارم مل رہا ہے آزاد کشمیر بھر کے پنشنرز اور سرکاری ملازمین نے اکاؤنٹنٹ جنرل کے اس انقلابی اقدام کو سراہتے ہوئے کہا کہ اب پنشنرز نہ تو کوئی قطار بنانی پڑے گی اور نہ ہی انتظار کرنا پرے گا بلکہ دفاتر کی زحمت سے بچاتے ہوئے گھر بیٹھے بیٹھے تنخواہ اور پنشن اکاؤنٹس میں جمع ہوجائے گی ہم اکاؤنٹنٹ جنرل کے اس انقلابی اقدام پر ان کو خراج تحسین پیش کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری ضیا ء الرحمن ایڈووکیٹ کا دوسری مرتبہ ڈسٹرکٹ بار کا بلا مقابلہ سینئر نائب صدر بننے پر مبارکباددینے والوں کا دن بھر تانتا بندھا رہا
بھمبر (ڈسٹرکٹ رپورٹر) بھمبر کے معروف قانون دان چوہدری ضیاء الرحمن ایڈووکیٹ کا دوسری مرتبہ ڈسٹرکٹ بار کا بلا مقابلہ سینئر نائب صدر بننے پر مبارکباد دینے والوں کا دن بھر تانتا بندھا رہا وکلاء ،صحافیوں ،سول سوسائٹی ،تاجروں اور عزیز و اقارب کی کثیر تعداد مبارک باد دینے والوں میں شامل تفصیلات کیمطابق بھمبر کے قانون دان چوہدری ضیاء الرحمن ایڈووکیٹ دوسری مرتبہ ڈسٹرکٹ بار بھمبر کے بلا مقابلہ سینئر نائب صدر منتخب ہو گئے ہیں گزشتہ روز انکے آفس میں مبارکباد دینے والوں کا تانتا بندھا رہا مبارکباد دینے والوں میں سابق ممبر ضلع کونسل چوہدری محمد یوسف درائیاں ،سابق چیئرمین ضلع و زکوة چوہدری فضل علی ،پیپلزپارٹی کے راہنما چوہدری مظہر اقبال بھوتو سیالوی ،حاجی محمد عامر ،حاجی محمد سعید ،چوہدری صغیر احمد ،ماسٹر چنن دین ،سیلز منیجر اسٹیٹ لائف چوہدری آفتاب حسین متیالوی،چوہدری طارق کنجالوی ،چوہدری عبدالقیوم بوٹا آف گڑھا متیال اور دیگر شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مرکزی میلاد کمیٹی بھمبر کے زیر اہتمام جشن عید میلادالنبی صلی اللہ علیہ وآلہ وسلم کو شایان شان طریقے سے منانے کیلئے جملہ تیاریاں مکمل ہو گئیں
بھمبر (ڈسٹرکٹ رپورٹر) انجمن اسلامیہ اور مرکزی میلاد کمیٹی بھمبر کے زیر اہتمام جشن عید میلاد النبی صلی اللہ علیہ وآلہ وسلم کو شایان شان طریقے سے منانے کیلئے جملہ تیاریاں مکمل ہو گئیں مرکزی میلاد کمیٹی کے ترجمان کیمطابق 25 جنوری بروز جمعة المبارک نبی اکرم صلی اللہ علیہ وآلہ وسلم کے یوم ولادت باسعادت کے موقع پر صبح 8 بجے مرکزی جامع مسجد بھمبر سے انجمن اسلامیہ کے منتظم اعلیٰ حضرت مولانا پروفیسر امین الدین ،مولانا غلام رسول جلالی ،پیر سید ظفر علی شاہ،مولانا دلدار غوث ،مولانا ظہور احمد رضا ،ایڈمسٹریٹر بلدیہ چوہدری ولید اشرف کی قیادت میں جلوس نکالا جائیگا جلوس مقررہ راستوں سے گزرے گا اس دوران مختلف مذہبی ،سماجی تنظیموں کیطرف سے جلوس کے راستوں میں بنائے گئے اسٹیج سے جلوس کو خوش آمدید اور موضع سیرت پاک پر علماء کرام روشنی ڈالیں گے جبکہ نعت خواں ہدیہ نعت پیش کرینگے جبکہ مغربی میرپور روڈ مدنی جامع مسجد لیاقت آباد چھپراں ے حضرت مولانا حافظ محمد ابراہیم کی قیادت میں ہزاروں افراد پر مشتمل جلوس بھی بھمبر میں مرکزی جلوس میں شامل ہو گا اس دوران عوام الناس کیطرف سے دودھ کی سبیلیں اور لنگر بھی تقسیم کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک شوکت حسین ، چوہدری سلیم ساگر اور دیگر نے ایم ڈی نذیر ہسپتال ڈاکٹر دائم اقبال کو عمرہ کی سعادت حاصل کرنے پر مبارکباد دی
بھمبر ( ڈسٹرکٹ رپورٹر) ملک شوکت حسین ، چوہدری سلیم ساگر ، انصر محمود ،مشتاق احمد کاشر نے اپنے مشترکہ بیان میں ایم ڈی نذیر ہسپتال ڈاکٹر دائم اقبال کو عمرہ کی سعادت حاصل کرنے پر مبارکباد دی ہے اور دعاکی ہے کہ خانہ خدا سے انہوں نے جو رحمتیں سمیٹی ہیں اللہ تعالیٰ انہیں تازگی نصیب فرمائے۔
محمد طیب عید میلا النبی صلی اللہ علیہ وآلہ وسلم کو شایان شان طریقے سے منانے کے سلسلہ میں منعقدہ اجلاس سے خطاب کرتے ہوئے
جمیت علماء اسلام کراچی کے زیراہتمام گڈ اپ ٹاؤن میں منعقدہ سیاست مصطفی صلی اللہ علیہ وآلہ وسلم کانفرنس سے مولانا محمد غیاث اور دیگر کا خطاب
