متحدہ قومی موومنٹ کے قائد الطاف حسین نے پیپلزپارٹی کی چیئرپرسن اور سابق وزیراعظم محترمہ بینظیر بھٹو شہید کی پانچویں برسی پر شہیدرہنماء کو زبردست خراج عقیدت پیش کیا ہے۔
اپنے ایک بیان میں الطا ف حسین نے کہاکہ محترمہ بینظیر بھٹو شہید نے پاکستان میں جمہوریت کی بحالی اوراس کی بقا کیلئے طویل جدوجہد کی اور بالآخرجمہوریت کی خاطر ہی اپنی جان کی قربانی دیدی ، وہ شہید جمہوریت ہیں اور انہوں نے جمہوریت کیلئے جو قربانیاں دیں وہ ہمیشہ یاد رکھی جائیں گی۔
الطاف حسین نے دعا کی کہ اللہ تعالی محترمہ بینظیر بھٹو شہید کی قربانی کوقبول فرمائے اورانہیں جنت الفردوس میں اعلی مقام عطا فرمائے۔ انہوں نے شہید رہنماء کی برسی پر صدر مملکت آصف علی زرداری، ان کے بچوں اور پیپلزپارٹی کے تمام رہنماوں اورکارکنوں سے بھی دلی تعزیت اورہمدردی کا اظہار کیا۔
دھند میں کمی ، آج بالائی اور وسطی علاقوں میں بارش و برفباری کا امکان
انتخابات بروقت ہونے چاہیئں ، گیلانی
