دوسرا ایشیا ڈیف کرکٹ کپ 11 دسمبر سے لاہور میں شروع ہو گا

Lahore Stadium

Lahore Stadium

دوسرا ایشیا ڈیف کرکٹ کپ گیارہ سے سترہ دسمبر تک لاہور میں کھیلا جائے گا ۔ ٹورنامنٹ میں پاکستان سمیت بھارت،سری لنکا، نیپال اور افغانستان کی ٹیمیں حصہ لیں گی۔ پاکستان ڈیف کرکٹ ایسوسی ایشن کے مینجر ظہیر الدین بابر نے قذافی اسٹیڈیم میں پریس کانفرنس کرتے ہوئے کہا کہ ٹورنامنٹ میں شریک تمام مہمان ٹیموں کو فول پروف سکیورٹی فراہم کی جائے گی۔

پاکستان ٹیم ٹورنامنٹ میں اپنے اعزاز کا دفاع کرے گی اور توقع ہے کہ دوسرے ایشیا کپ کا ٹائٹل بھی اپنے نام کرے گی۔ ظہیر الدین بابر کا کہنا تھا کہ ٹورنامنٹ کے تمام اخراجات پاکستان کرکٹ بورڈ برداشت کر رہا ہے کسی کمپنی نے اسپانسر شپ نہیں دی ہے۔