وزیراعلیٰ سے مسلم لیگ ن کے رہنما لیفٹیننٹ جنرل(ر)عبدالقیوم کی ملاقات
Posted on June 3, 2012 By Geo Urdu گجرات
لاہور: وزیراعلیٰ پنجاب محمد شہبازشریف سے پاکستان مسلم لیگ (ن) کے رہنما لیفٹیننٹ جنرل (ر) عبدالقیوم نے آج یہاں ملاقات کی اور ان سے ملکی سیاسی صورتحال پر تبادلہ خیال کیا۔ وزیراعلیٰ نے جنرل عبدالقیوم کی پاکستان مسلم لیگ (ن) میں شمولیت پر مبارکباد دیتے ہوئے کہا کہ وہ نہ صرف پارٹی بلکہ ملک کا قیمتی اثاثہ ہیں اور ان کے ٹی وی تبصروں اور کالموں میں حب الوطنی کی مہک نمایاں ہوتی ہے۔ جنرل (ر) عبدالقیوم کی 40 سالہ دور ملازمت میں ملکی اور خصوصاً چکوال کے لئے خدمات ناقابل فراموش ہیں۔ وزیراعلیٰ پنجاب محمد شہبازشریف نے لیفٹیننٹ جنرل (ر) عبدالقیوم کی جانب سے چکوال کے دورہ کی دعوت قبول کرتے ہوئے کہا کہ وہ جلد ہی چکوال کا دورہ کریں گے۔ ملاقات کے دوران چکوال کی سیاسی صورتحال بھی زیربحث آئی۔
