پاکستان اور آئی ایم ایف کے درمیان اقتصادی صورت حال پر بات چیت آج اسلام آباد میں ہو گی۔ وزیر مملکت برائے خزانہ کا کہنا ہے کہ آئی ایم ایف سے قرضے کا نیا پروگرام لینے کا تا حال کوئی فیصلہ نہیں ہوا۔
وزیر مملکت برائے خزانہ سلیم مانڈوی والا نے دنیا نیوز سے گفتگو کرتے ہوئے کہا کہ آئی ایم ایف کا وفد ڈائریکٹر جیفری فرینک کی سربراہی میں پاکستان کا دورہ کر رہا ہے۔ جس کا مقصد پوسٹ پروگرام کا ریویو ہے۔ وزیر مملکت نے کہا کہ آئی ایم ایف سے قرضوں کا نیا پروگرام لینے کا کوئی بھی فیصلہ سیاسی سطح پر ہو گا۔
انہوں نے کہا کہ مذاکرات میں پاکستان کی طرف سے سیکرٹری خزانہ کی سربراہی میں اقتصادی ٹیم حصہ لے گی۔ آئی ایم ایف کے وفد کو ٹیکس ایمنسٹی اسکیم سے متعلق ہونے والی پیش رفت، زرمبادلہ کے ذخائر اور مجموعی اقتصادی صورت حال پر بریفنگ دی جائے گی۔
طالبان سے مذاکرات مقامی قبائل کے ذریعے کیے جائیں : فضل الرحمان
کرکٹ بورڈ کے اہلکار نے پولیس والے کو کچل کر ہلاک کر دیا
