انگلینڈ نے پاکستان کو پہلے ون ڈے میچ میں ایک سو تیس رنز سے شکست دیکر چار میچوں کی سیریز میں ایک صفر سے سبقت حاصل کرلی۔ دوسرا ون ڈے پندرہ فروری کو کھیلا جائیگا۔
ابوظہبی کے شیخ زید کرکٹ اسٹیڈیم میں کھیلے گئے میچ میں انگلینڈ نے پہلے کھیلتے ہوئے سات وکٹوں پر دو سو ساٹھ رنز بنائے۔ انگلش کپتان ایلیسٹر کک نے کیرئیر بیسٹ ایک سو سینتیس رنز اسکور کیے۔ روی بوپارا نصف سنچری بناسکے۔ سعید اجمل نے پانچ اور شاہدآفریدی نے دو وکٹیں حاصل کیں۔
جوابی اننگز میں پاکستان کو مشکلات کا سامنا رہا، بیٹسمین جلد بازی میں وکٹیں گنوا بیٹھے اور پوری ٹیم ایک سو تیس رنز پر ڈھیر ہو گئی۔ شاہد آفریدی نے اٹھائیس رنز بنائے۔ اسٹیون فن نے چار اور سامت پٹیل نیتین وکٹیں حاصل کیں۔ ایلیسٹر کک مین آف دی میچ قرار پائے۔
پہلا ون ڈے : انگلینڈ کا ٹاس جیت کر بیٹنگ کا فیصلہ
پاکستان ڈس ایبلڈ کرکٹ ٹیم نے ٹی ٹوئنٹی سیریز 0-2 سے جیت لی
