تحریک تحفظ پاکستان کے چیئرمین ڈاکٹر عبدالقدیر خان اور سیکریٹری جنرل چوہدری خورشید زمان نے ملک بھرمیں دہشتگردی کے واقعات اورفلسطین میںاسرائیلی جارحیت پرردعمل کا اظہار کرتے ہوئے کہا کہ مظلوم فلسطینی عوام پر ظلم ڈھانے والے اسرائیل کو تاریخ کبھی معاف نہیں کرے گی جب مسلمانوں کا خون بہتا ہے تو دنیا خاموش ہو جاتی ہے اور اگر کوئی غیر مسلم مرتا ہے تو ہر ایک احتجاج کرتا ہے کیا مسلمانوں کا خون اتنا سستا ہے کہ ا س کی ندیاں بہا دی جائیں جب تک عالمی منصف انصاف کے تقاضے پورے نہیں کرتے دنیا میں امن قائم نہیں ہو سکتا انہوں نے کہا کہ حکومت ملک میں امن و امان کے قیام میں بری طرح ناکام ہو چکی ہے جو حکمران عوام کو تحفظ فراہم نہیں کر سکتے انہیں اقتدار میں رہنے کا کوئی حق حاصل نہیں۔اسرائیل کی پشت پناہی سے امریکہ کا مکروہ چہرہ دنیا کے سامنے بے نقاب ہو گیا ہے۔
امت مسلمہ کو چاہیے کہ وہ اس جارحیت کے خلاف اعلان جنگ کریں اوراسرائیل سمیت دنیا بھر میں مسلمانوں کے جان ومال کے تحفظ کے لئے مضبوط لائحہ عمل طے کیا جائے انہوںنے کہا کہ ایک منظم سازش کے تحت پاکستان کو فرقہ وارانہ فسادات کی آگ میں دھکیلا جا رہا ہے ان بم دھماکوں کا مقصد محرم الحرام میں بڑے پیمانے پر خونریزی کروانا ہے فرقہ واریت کے خاتمے کیلئے تمام مسالک کو رواداری سے کام لینا ہو گا۔ کراچی،کوئٹہ اورراولپنڈی سمیت ملک میں ہونیوالی دہشت گردی کی وارداتوں میں ملوث عناصر کو بے نقاب کر کے گرفتار کیا جائے ملک کی بڑھتی ہوئی دہشتگردی، لاقانیت سے شہریوں کو جان و مال کے تحفظ اور قیام امن کیلئے حکومتی دعووں کی قلعی کھول دی۔
آٹھ اور نو محرم الحرام کو ملک بھر میں سیکیورٹی ہائی الرٹ
کوئٹہ : نامعلوم افراد نے فائرنگ کر کے ایک شخص کو قتل کر دیا