وزیراطلاعات سندھ شرجیل میمن نے کہا کہ کراچی بدامنی کیس کے فیصلے پر عملدرآمد کے حوالے سے سپریم کورٹ کے عبوری فیصلے پرعمل ہوگا۔ اے این پی کے رہنما زاہد خان کہتے ہیں کہ طالبان تنظیموں کے خلاف کارروائی کرنا ہوگی۔سپریم کورٹ سے کراچی بدامنی کیس کا فیصلہ آنے کے بعد وزیراطلاعات سندھ شرجیل میمن نے کہا کہ پیپلزپارٹی کی حکومت نے کراچی سے بڑی تعداد میں دہشتگردوں کوگرفتارکیا۔
انہوں نے کہا کہ طالبان کی موجودگی کی جہاں اطلاع ملی وہاں ایکشن ہوا ہے۔ اے این پی کے رہنما زاہد خان نے ذرائع سے گفتگوکرتے ہوئے کہا کہ کراچی میں طالبان تنظیموں کے خلاف ایکشن لینا ہوگاکیونکہ پاکستان کا امن کراچی سے مشروط ہے۔
سیاسی اورسماجی راہنماؤں کا کہنا ہے کہ سپریم کورٹ کا فیصلہ کرا چی میں نقظہ آغاز ثابت ہو سکتا ہے لیکن اس کے لئے ضروری ہے کہ سیاست سے بالا ترہوکر اقدامات کیے جائیں۔
اصغر خان کے فیصلہ کے بعد شہباز شریف اقتدار چھوڑ دیں : منظور وٹو
کراچی : سپریم کورٹ کا پیرول پر رہا 35 قیدیوں کی گرفتاری کا حکم
