راولپنڈی (جیوڈیسک) بحرین کے شاہ حمد بن عیسیٰ نے پاک آرمی کے جنرل ہیڈکوارٹر کا دورہ کیا اور پاک فوج کی پیشہ وارانہ کارکردگی کا جائزہ لیتے ہوئے اسے سراہا۔
بحرین کے شاہ شیخ حمد بن عیسیٰ پاک فوج کے جنرل ہیڈ کوارٹر کے دورے پر پہنچے تو وزیراعظم نوازشریف اور چیرمین جوائنٹ چیفس اسٹاف کمیٹی جنرل راشد محمود نے ان کا استقبال کیا جبکہ اس اہم موقع پر وزیر دفاع خواجہ آصف اور آرمی چیف جنرل راحیل شریف بھی موجود تھے۔
شیخ حمد بن عیسیٰ نے جنرل کوارٹر کے دورے کے موقع پر پاک فوج کی پیشہ وارانہ کارکردگی کو سراہا اس موقع پر شیخ حمد بن عیسیٰ کا کہنا تھا کہ پاک فوج کی ملکی دفاع کے لئے قربانیوں کو خراج تحسین پیش کرتے ہیں۔
واضح رہے بحرین کے شاہ وزیراعظم نوازشریف کی دعوت پر 3 روزہ سرکاری دورے پر گزشتہ روز پاکستان پہنچے، اپنے دورے کے دوران وہ صدر ممنون حسین سمیت دیگر اہم شخصیات سے ملاقاتوں کے ساتھ دونوں ممالک کے درمیان تجارتی اور سرمایہ کاری کے معاہدوں پر بھی دستخط کریں گے۔
بھارت کیخلاف میچ ہار کے خوف سے نہ کھیلیں، عمران خان
بینظیر قتل کیس میں کرزئی سے بھی پوچھ گچھ ہونی چاہیے تھی، بلاول
