آزاد کشمیرکی خبریں 21.04.2013
Posted on April 22, 2013 By Tahir Webmaster میرپور / کشمیر
سالانہ امتحانات برائے 2012-13میں جماعت 5thمیں منہاج ماڈل سکول جبکہ جماعت8thمیں ڈھیری وٹاں نمایاں
بھمبر(جی پی آئی)ایلمنٹری بورڈ بھمبرکے سالانہ امتحانات برائے 2012-13میں جماعت 5thمیں منہاج ماڈل سکول لیاقت آباد جبکہ جماعت8thمیں ویژن ماڈل سکو ل ڈھیری وٹاں نمایاں رہے عوامی اور تعلیمی حلقوں کا بہترین کارکردگی دکھانے پر خراج تحسین تفصیلات کیمطابق ایلمنٹری بورڈ ضلع بھمبر کے زیر اہتمام ہونے والے امتحانات برائے سال 2012-13کے نتائج کیمطابق منہاج ماڈل سکول لیاقت آباد اور ویژن ماڈل سکول
ڈھیری وٹاں نے نمایاں کارکردگی کا مظاہرہ کیا جماعت 5thکے نتائج میں منہاج ماڈل سکول لیاقت آباد نے پہلی 20میں 12پوزیشنیں حاصل کی جس کیمطابق چوتھی ،پانچویں ،چھٹی ،ساتویں ،آٹھویں ،بارہویں ،چودویں ،پندرویں ،سترویں اور بیسویں جبکہ آٹھویں جماعت میں پہلی 20پوزیشنوں میں سے ویژن ماڈل سکول ڈھیری وٹاں نے5پوزیشنیں حاصل کیں جس کیمطابق پہلی ،تیسری ،چھٹی ،نویں اور پندرھویں پوزیشن حاصل کی دونوں سکولوں کی جانب سے ایلمنٹری بورڈ کے سالانہ نتائج میں شاندار کارکردگی دکھانے پر عوام علاقہ اور تعلیمی حلقوں نے زبردست الفاظ میں خراج تحسین پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز قانون دان مسعود شیخ کی حالیہ بار کونسل کے انتخابات میں ریکارڈ شکن کامیابی پر زبردست مبارکباد دی
بھمبر(جی پی آئی)(ر)ہیڈماسٹرچوہدری محمد اجمل ،پاکستان پیپلزپارٹی کے راہنما چوہدری محمد افضل ،چوہدری محمد اشرف،چوہدری محمد منیر بوٹا ،ٹھیکیدار آصف محمود اور (ر) ڈپٹی ڈائریکٹر زراعت چوہدری محمد اسلم نے میرپور کے ممتاز قانون دان مسعود شیخ کی حالیہ بار کونسل کے انتخابات میں ریکارڈ شکن کامیابی پر زبردست مبارکباد دی ہے انہوں نے اپنے مشترکہ بیان میں کہاکہ مسعود شیخ ریاست کے ممتاز قانون دان ہیں اور وکلاء برادری نے ان پر بھرپور اعتماد کااظہار کیا ہے اور بارکونسل کی تاریخ میں 308ووٹ لیکر کامیابی حاصل کرکے انہوں نے سب سے زیادہ ووٹ لینے کا نیا ریکارڈ قائم کیا ہے انہوں نے کہاکہ حکومت ایسے اعلیٰ قانون دان کو بہتر ایڈجسٹ کرے تاکہ قانون کا بول بالا ہو سکے اور عوام کا قانون کے متعلقہ اداروں پر اعتماد بڑھے انہوں نے کہاکہ وکلاء برادری نے جسطرح مسعود شیخ پر اپنے بھرپور اعتماد کااظہار کیا ہے توقع ہے کہ وہ قانون و انصاف کی فراہمی کیلئے اپنا بھرپور کردار اداکریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گورنمنٹ گرلز پرائمری سکول چھنی پیرتاج دین نے شاندار کاکردگی دکھا کر عوام کا اعتماد بحال کر دیا ہے:راجہ اظہر اقبال
بھمبر(جی پی آئی)ایلمنٹری بورڈ میرپور بھمبرکے سالانہ امتحانات میں سرکاری اداروں کی طرف سے شاندار کارکردگی کا مظاہرہ کرنے پر ہم اساتذہ اکرام کو خراج تحسین پیش کرتے ہیں اگر سرکاری سکولوں کے اساتذہ ایمانداری اور دیانتداری سے اپنی ڈیوٹی کریں تو پرائیویٹ ادارے ان کا مقابلہ نہیں کر سکتے ہیں گورنمنٹ گرلز پرائمری سکول چھنی پیرتاج دین نے شاندار کاکردگی دکھا کر عوام کا سرکاری سکولوں پر اعتماد بحال کر دیا ہے ان خیالات کااظہار مسلم لیگ ن تحصیل بھمبر کے صدر راجہ اظہر اقبال نے کیا انہوں نے کہاکہ اگر سرکاری سکولوں کے اساتذہ کرام اپنے بچوں کو پرائیویٹ سکولوں کی بجائے سرکاری سکولوں میں پڑھائیں تو سرکاری سکول بہتر نتائج دے سکتے ہیں حکومت سرکاری سکولوں کے گرتے ہوئے تعلیمی میعار کو بہتر بنانے اور عوام کا سرکاری اداروں پر اعتماد بحال کرنے کیلئے اقدامات اٹھائے انہوں نے کہاکہ ایلمنٹری بورڈ بھمبرکے سالانہ نتائج میں سرکاری اداروں کی کارکردگی کافی حد تک تسلی بخش رہی جس پر ہم سرکاری سکولوں کے اساتذہ کو خراج تحسین پیش کرتے ہیں اور توقع کرتے ہیں کہ وہ اپنی ڈیوٹی پوری ایماندار اور دیانتداری کیساتھ اداکرکے عوام کا سرکاری اداروں پر اعتماد بحال کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری عبدالقیوم بوٹا کو ایم ڈی اے میرپور یونین کا صدر بننے پر مبارکباد دی :چوہدری عبدالستار
بھمبر(جی پی آئی)چوہدری عبدالستار ،آفیسر اسٹیٹ لائف چوہدری آفتاب متیالوی اور چوہدری محمد رضوان سرویئر MDAنے اپنے مشترکہ بیان میں چوہدری عبدالقیوم بوٹا کو ایم ڈی اے میرپور یونین کا صدر بننے پر مبارکباد دی ہے اور کہا ہے کہ موصوف انتہائی ایماندار اورفرض شناس شخصیت ہیں یونین کے صدر کی ذمہ داریاں احسن انداز سے نبھاکر یونین کے ممبران کے حقوق کے تحفظ کیلئے اپنی قائدانہ صلاحیتیں بروئے کار
لائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ ہیڈکوارٹرہسپتال بھمبرمیں بے ہوشی کے ڈاکٹرکی کمی ،آپریشن میں شدید مشکلات کا سامنا
بھمبر(جی پی آئی)ڈسٹرکٹ ہیڈکوارٹرہسپتال بھمبرمیں بے ہوشی کے ڈاکٹرکی کمی سے مریضوں کے آپریشن میں شدید مشکلات کا سامنا ڈاکٹر محبوب کو بھمبرلانے کا مطالبہ تفصیلات کیمطابق ڈسٹرکٹ ہسپتال بھمبرمیں ایمرجنسی اور ڈلیوری کی مفت ادویات کی فراہمی کے بعد ہسپتال میں مریضوں کارش بڑھنے لگا لیکن ڈسٹرکٹ ہسپتال میں بے ہوشی کے ڈاکٹر کے دستیاب نہ ہونے کی وجہ سے مریضوں کو شدیدمشکلات کاسامناہے بھمبرسے تعلق رکھنے والے بے ہوشی کے ڈاکٹر محبوب احمد بھمبر سے BHUسوکاسن تبدیل کر دیا گیا ہے جس کی وجہ سے ڈسٹرکٹ ہسپتال بھمبرمیں چوبیس گھنٹے آپریشن کی سہولت میسر نہ ہے جس پر عوام علاقہ نے محکمہ صحت عامہ کے اعلیٰ حکام سے مطالبہ کیا ہے کہ بھمبر سے تعلق رکھنے والے بے ہوشی کے ڈاکٹر محبوب احمد کو سوکاسن سے بھمبر تبدیل کیا جائے تاکہ لوگوں کو ڈسٹرکٹ ہسپتال بھمبر میں مریضوں کو چوبیس گھنٹے آپریشن کی سہولت دستیاب ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈیزرو فاؤنڈیشن کے زیر اہتمام فری میڈیکل کیمپ دوسرے روز بھی جاری رہا کیمپ میں سینکڑوں مریضوں کا چیک اپ کیا گیا
بھمبر(جی پی آئی)ڈیزرو فاؤنڈیشن کے زیر اہتمام فری میڈیکل کیمپ دوسرے روز بھی جاری رہا کیمپ میں سینکڑوں مریضوں کا چیک اپ کیا گیا عبداللہ لیب نے مریضوں کے فری ٹیسٹ کیے 20سے زائد مریضوں کے فری آپریشن ہونگے تفصیلات کیمطابق ڈیزرو فاؤنڈیشن کے زیر اہتمام بھمبرمیں دوسرے روز بھی فری میڈیکل کیمپ جاری رہا جس میں سینکڑوں مریضوں کا چیک اپ کیا گیا مریضوں کو گنگارام ہسپتال کے
سینئر اور تجربہ کار ڈاکٹروں نے چیک کیا کیمپ کے دوران 20سے زائد مریضوں کو آپریشن کیلئے سلیکٹ کیا جن کے لاہور میں فری آپریشن ہونگے آپریشن اور سفر کے تمام اخراجات ڈیزرو فاؤنڈیشن برداشت کرے گی فری میڈیکل کیمپ میں عبداللہ لیب نے مریضوں کے فری ٹیسٹ کیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھیل صحت مند جسم کی نشوونما کیلئے انتہائی اہمیت کے حامل ہیں :چوہدری محمد یوسف درائیاں
بھمبر(جی پی آئی)کھیل صحت مند جسم کی نشوونما کیلئے انتہائی اہمیت کے حامل ہیں جس قوم کے کھیلوں کے میدان آباد رہتے ہیں وہ کبھی برائیوں کی مرتکب نہیں ہو تی تندرست ذہن کیلئے تندرست جسم لازم و ملزوم ہیں ان خیالات کااظہار سابق ممبر ضلع کونسل پیپلزپارٹی کے بانی راہنما چوہدری محمد یوسف درائیاں نے پہلے احمد علی بوکن میموریل کرکٹ ٹورنامنٹ کے فائنل میں بحیثیت مہمان خصوصی تقریب تقسیم انعامات سے خطاب کرتے ہوئے کیا چوہدری محمد یوسف نے کہاکہ اہلیان بھمبر نے کھیلوں کے میدان میں نہ صرف ریاست بھر میں بلکہ قومی سطح پر بھی وطن عزیز ریاست جموں وکشمیر اور اہلیان بھمبر کا نام روشن کیا انہوں نے کہاکہ موجودہ انخطاط کے دور میں انتہائی ضروری ہے انہوں نے کہاکہ بلاتحصیص فتح و شکست ٹورنامنٹ میں حصہ لینے والی تمام ٹیموں تمام کھلاڑیوں تمام منتظمین کو مبارکباد پیش کرتا ہوں اور خراج تحسین پیش کرتا ہوں کہ انہوں نے انتہائی شاندار انداز میں اس ٹورنامنٹ کے انتظامات کیلئے اس میں حصہ لیا اور احسن طریقے سے اس کو منعقد کیا انہوں نے کہاکہ جیتنے والے مبارک باد کے مستحق ہیں کھیلوں سے نوجوان میں جیت اور تحمل اور برداشت کا جذبہ پیدا ہوتا ہے اس سے قبل یوکے کرکٹ کلب نے اچھے کھیل کامظاہرہ کرتے ہوئے شاندار کامیابی حاصل کی مہمان خصوصی نے جیتنے والی ٹیموں کے کھلاڑیوں میں انعامات تقسیم کیے ٹورنامنٹ کے منتظمین کی کارکردگی کو سراہا اور توقع کا اظہار کیا کہ آئندہ بھی صحت مند سرگرمیاں جاری رہیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پہلے احمد علی بوکن میموریل کرکٹ ٹورنامنٹ میںکل 20ٹیموں نے حصہ لیا
بھمبر(جی پی آئی)پہلے احمد علی بوکن میموریل کرکٹ ٹورنامنٹ میںکل 20ٹیموں نے حصہ لیا یہ ٹورنامنٹ 24مارچ کو شروع ہوا فائنل میچ یوکے کرکٹ کلب بھمبر اور کلری فرینڈز کے درمیان کھیلا گیا یوکے کرکٹ کلب بھمبرنے جیت لیا ونر اور رنر کھلاڑیون میں مہمان خصوصی چوہدری محمدیوسف درائیاں ،سینئر نائب صدر کشمیر پریس کلب ناصرشریف بٹ ،اوورسیز کشمیری راہنما چوہدری عبدالغفور بوکن ،پروفیسر عدنان رضا بٹ اور ایڈیشنل جنرل سیکرٹری مرزاندیم اخترنے انعامات تقسیم کیے۔
